తిరుపతి చిన్నారి జి. కీర్తిక వర్మకు ప్రతిష్టాత్మక నటరాజ నంది అవార్డు – సంగీత నృత్య నిరాజనంలో ప్రతిభను నిరూపించుకున్న జి. కీర్తిక వర్మ

తిరుపతి ,{ హైదరాబాద్ }, జూన్ 21:– సాంస్కృతిక రంగంలో విశిష్ట సేవలందిస్తున్న నాట్య కళా వెల్ఫేర్ సొసైటీ మరియు సిరి ఆర్ట్స్ అకాడమీ సంయుక్త ఆధ్వర్యంలో శనివారం హైదరాబాద్ రవీంద్ర భారతిలో ఘనంగా నిర్వహించిన సంగీత నృత్య నిరాజనం – 2025 కార్యక్రమంలో, తిరుపతికి చెందిన చిన్నారి జి. కీర్తిక వర్మ విశేషంగా ఆకట్టుకుంది. మూడవ తరగతి చదువుతున్న చిన్న వయస్సులోనే నాట్యకళలో అపారమైన నైపుణ్యాన్ని ప్రదర్శించిన కీర్తిక వర్మ, భరతనాట్యం ప్రదర్శనతో అక్కడికి వచ్చిన ప్రेక్షకులను, నిపుణులను విశేషంగా ఆకట్టుకుంది. ఆమె ప్రదర్శనలో ఉన్న అర్థవంతమైన అభినయాలు, శాస్త్రీయ సమన్వయం, గాత్ర నృత్య సమ్మేళనం ఎంతో మంది ప్రశంసలు అందుకున్నాయి. ఈ సందర్భంగా ఆమె ప్రతిభను గుర్తించిన నిర్వాహకులు “నటరాజ నంది అవార్డు – 2025” ని ఆమెకు ప్రదానం చేశారు. ఈ అవార్డు కళారంగంలో విశిష్ట స్థానం కలిగినది. యువ ప్రతిభను గుర్తించి ప్రోత్సహించాలనే లక్ష్యంతో ఈ అవార్డు ప్రతీ సంవత్సరం ఇచ్చేందుకు నిర్వాహకులు కట్టుబడి ఉన్నారు. ఈ సందర్భంగా నిర్వాహకులు మాట్లాడుతూ, “చిన్న వయస్సులోనే ఇంత గొప్ప నైపుణ్యాన్ని ప్రదర్శించడమంటే ఓ చిన్నారి వద్దనుకునే ప్రతిభ కాదు. జి. కీర్తిక వర్మ భవిష్యత్తులో అంతర్జాతీయ స్థాయిలో ఎదుగుతుందని మేము ఆశిస్తున్నాం” అని పేర్కొన్నారు. తన విజయానికి గూర్చి స్పందించిన కీర్తిక వర్మ, తనకు నృత్యాన్ని నేర్పిన గురువులకు, తల్లిదండ్రులకు ధన్యవాదాలు తెలిపింది. “ఇది నాకు స్ఫూర్తినిచ్చిన అవార్డు. భవిష్యత్తులో ఇంకా ఎక్కువగా నేర్చుకుని గొప్ప నాట్యకారిణిగా ఎదగాలనుకుంటున్నాను” అంటూ చెప్పుకొచ్చింది.