వెదురుకుప్పం మండలం తెల్లగుండ్లపల్లి గ్రామ పంచాయతీ లో , “సుపరిపాలన తొలి అడుగు” కార్యక్రమం

వెదురుకుప్పం, జూలై 26 (మన న్యూస్):– ఆంధ్రప్రదేశ్ ముఖ్యమంత్రి శ్రీ నారా చంద్రబాబు నాయుడు ఆదేశాలతో, ప్రభుత్వ విప్ మరియు గంగాధర నెల్లూరు ఎమ్మెల్యే డా. వి.ఎం. థామస్ సారథ్యంలో “సుపరిపాలనలో తొలి అడుగు” కార్యక్రమం వెదురుకుప్పం మండలం తెల్లగుండ్లపల్లి గ్రామ పంచాయతీ పరిధిలోని ఎస్.టి. కాలనీ, కొత్త ఇండ్లు లో జూలై 26వ తేదీన ప్రజాప్రతినిధులు, నాయకులు, కార్యకర్తల సమక్షంలో విజయవంతంగా నిర్వహించబడింది. ఈ సందర్భంగా పలువురు నాయకులు మాట్లాడుతూ…లోకనాథ రెడ్డి (మండల అధ్యక్షుడు) మాట్లాడుతూ… “సుపరిపాలన అంటే కేవలం అధికారంలో ఉండడమే కాదు, ప్రజల మధ్య ఉండడం. ప్రతి పేదవాడి ఇంటికెళ్లి, వారి కష్టాలు నేరుగా వినడం, వెంటనే పరిష్కార మార్గాలు అన్వేషించడం — ఇదే చంద్రబాబు పాలనా శైలి. ఈ కార్యక్రమం ద్వారా ఆ లక్ష్యాన్ని కొనసాగిస్తున్నాం. మా నేతలు ఇచ్చిన హామీలను నేలు తాకేలా నిజం చేస్తున్నాం.” అన్నారు . గురుసాల కిషన్ చంద్ (యువత అధ్యక్షుడు) మాట్లాడుతూ… “ఈరోజు యువత రాజకీయాల్లోకి అడుగుపెడుతున్నదంటే, అది చంద్రబాబు ఆశయాల వల్లే. తరం మారినా, విలువలు మారకూడదు. ప్రతి యువకుడూ పాలనను అర్థం చేసుకోవాలన్నదే ఈ కార్యక్రమం వెనుక ఉన్న ఉద్దేశం.” అన్నారు. చంగల్ రాయ్ రెడ్డి గారు (క్లస్టర్ ఇంచార్జి) మాట్లాడుతూ… “ప్రతి కుటుంబాన్ని కలిసాం. తాగునీరు, రేషన్ కార్డులు, ఇండ్లు, ఉపాధి — ప్రతి అంశంపైనా వారి సమస్యలు విన్నాం. త్వరితగతిన అధికారుల దృష్టికి తీసుకెళ్లి పరిష్కరించేందుకు చర్యలు తీసుకుంటాం.” అని అన్నారు . సతీష్ నాయుడు (సీనియర్ యువ నాయకుడు) మాట్లాడుతూ… “ఇలాంటివే నిజమైన ఉద్యమాలు. ఒక నాయకుడు ఎలా ఉండాలో మన థామస్ ని చూసి నేర్చుకోవచ్చు. ఈ గ్రామంలో ఎస్.టి. కాలనీలో ఎన్నో సమస్యలు years నుంచి నలుగుతున్నాయి. వాటిని పట్టించుకోవడం, ప్రభుత్వం దృష్టికి తేవడం మా బాధ్యత.” అని అన్నారు . నాగార్జున్ (యువ నాయకుడు) మాట్లాడుతూ…“ప్రతి ఇంటి తలుపు తట్టడం మాకు కొత్త కాదు. కానీ ఈసారి పక్కా పాలనా లక్ష్యాలతో వచ్చాం. ప్రజలతో మాట్లాడి సమస్యలను ప్రభుత్వానికి నివేదిస్తాం. ప్రజలు చైతన్యవంతంగా స్పందించడం ఆనందంగా ఉంది.” అని అన్నారు . గుణశేఖర్ రెడ్డి (బూత్ కన్వీనర్) మాట్లాడుతూ… “తెల్లగుండ్లపల్లి ప్రజలు గడచిన నాలుగు సంవత్సరాలుగా ఏవిధంగా బాధలు పడుతున్నారో మేం అడిగిన ప్రతీ ఇంట్లో వినిపించింది. ఈ సూపరిపాలన అడుగు వాళ్లకి భరోసా కలిగించింది.” అని అన్నారు . పాముల శేషాద్రి కుమార్ (జిల్లా ఎస్సీ మోర్చా)మాట్లాడుతూ… కాలనీలో గత ప్రభుత్వం కనీస సౌకర్యాల కోసం ఎటువంటి చర్యలు తీసుకోలేదని తెలిసింది. మేము ఈ సమస్యలను లెవెల్ పైకి తీసుకెళ్తాం. మద్దతుగా ఉంటాం.” అని అన్నారు . మారేపల్లి మురళి (డేటా అనలిస్ట్) మాట్లాడుతూ… “ప్రతి ఇంటికీ వెళ్లి నివేదికలు సిద్ధం చేస్తున్నాం. ప్రతి సమస్యను డాక్యుమెంట్ చేసి ఎంఎల్ఏ కి పంపించి, పరిష్కారానికి మెరుగైన మార్గాలు అందిస్తున్నాం.” అని అన్నారు . ఈ కార్యక్రమంలో రెడ్డి కుమార్, మునికృష్ణ, యోహాను దాస్, సునిల్, హేమాద్రి, కిరణ్, నరేష్, చందు, తులసి, కుమార్, లక్ష్మయ్య తదితర యువ నాయకులు, గ్రామ కమిటీ అధ్యక్షులు, మహిళా సంఘాల ప్రతినిధులు, బూత్ కన్వీనర్లు, కార్యకర్తలు, గిరిజన మహిళలు, స్థానిక యువత పెద్దఎత్తున పాల్గొన్నారు. ఈ కార్యక్రమం చివరగా, టీడీపీ నాయకులు మాట్లాడుతూ – “ఇది కేవలం కార్యక్రమం కాదు, ప్రజల కోసం ఒక ఉద్యమం. ప్రతి గ్రామంలో పర్యటనలు, సమస్యల సేకరణ, పరిష్కార ప్రక్రియ — ఇవన్నీ నిరంతరం కొనసాగుతాయి,” అని తెలిపారు.