mananews
Mana Cinema:- జ‌యాప‌జ‌యాల‌తో సంబంధం లేకుండా వైవిధ్యమైన సినిమాల‌తో ప్రేక్ష‌కులను అల‌రించే న‌టుల్లో త‌మిళ స్టార్ హీరో చియాన్ విక్ర‌మ్ ముందుంటారు. ఇటీవ‌లే ఆయ‌న తంగ‌లాన్‌తో మంచి విజ‌యాన్ని అందుకున్నారు. తాజాగా ఆయ‌న న‌టిస్తున్న మూవీ వీర ధీర సూర‌న్ . కాగా ఈ మూవీ రెండు భాగాలుగా తెర‌కెక్కుతోంది. మొద‌టగా రెండో భాగాన్ని విడుదల చేస్తున్నారు. ‘చిన్నా’ ఫేమ్‌ ఎస్ యూ అరుణ్ కుమార్ దర్శకత్వంలో ఈ మూవీ తెర‌కెక్కుతోంది.హెచ్ఆర్‌. పిక్చ‌ర్స్ ప‌తాకంపై రియాశిబు ఈ మూవీని నిర్మిస్తున్నారు. నటి దుషారా విజయన్ క‌థానాయిక‌గా న‌టిస్తోంది. యాక్ష‌న్ ఎంట‌ర్టైన‌ర్‌గా ఈ చిత్రం రూపుదిద్దుకుంటోంది. ఎస్‌జే.సూర్య, సురాజ్‌ వెంజరమూడు, సిద్ధిక్ కీల‌క పాత్ర‌ల‌ను పోషిస్తున్న ఈ చిత్రానికి జీవీ.ప్రకాశ్‌కుమార్ సంగీతాన్ని అందిస్తున్నారు.తాజాగా ఈ చిత్ర టీజ‌ర్‌ను విడుదల చేశారు. నిడివి ఒక నిమిషం 47 సెక‌న్లు. ఎవ‌రైనా ఉన్నారా? అని ఓ మ‌హిళా ఓ షాపు ముందు నిల్చోని అంటుంది. అప్పుడు చేయి చూపిస్తూ విక్ర‌మ్ కొంచెం సెలెంట్‌గా ఉండండి పాప నిద్ర‌పోతుంది అని సైగ‌ల‌తో చెబుతాడు.ఈ చిత్రంలో విక్ర‌మ్ ఓ కిరాణా దుకాణాన్ని నిర్వ‌హిస్తూ త‌న కుటుంబాన్ని పోషించుకుంటాడ‌ని టీజర్ బ‌ట్టి అర్థ‌మ‌వుతోంది. ఆరంభంలో కుటుంబంపై ఉన్న ప్రేమ‌ను చూపించ‌గా ఆఖ‌రిలో యాక్ష‌న్ స‌న్నివేశాలు ఉన్నాయి. మొత్తంగా టీజర్ అదిరిపోయింది.
