మన ధ్యాస,ఇందుకూరు పేట, జనవరి 19 : నెల్లూరు జిల్లా, ఇందుకూరుపేట మండలంలోని పల్లెపాడు డైట్ కళాశాల మైదానంలో ఆదివారం ఉత్కంఠభరితంగా జరిగిన నందమూరి బసవరామతారకం మెమోరియల్ క్రికెట్ టోర్నమెంట్లో ‘కుశాల్ సాయి సిసి’ జట్టు విజేతగా నిలిచింది. నందమూరి బసవరామతారకం మెమోరియల్ వ్యవస్థాపక అధ్యక్షులు జానా గిరిబాబు ఆధ్వర్యంలో నిర్వహించిన ఈ టోర్నీ ఫైనల్ మ్యాచ్ ఆదివారం అత్యంత ఆసక్తికరంగా సాగింది.ఏకపక్షంగా సాగిన ఫైనల్ పోరుఫైనల్ మ్యాచ్లో కుశాల్ సాయి సిసి, యునైటెడ్ ఫ్రెండ్స్ సిసి జట్లు తలపడ్డాయి.మొదట బ్యాటింగ్: టాస్ గెలిచి బ్యాటింగ్ చేపట్టిన కుశాల్ సాయి సిసి జట్టు 25 ఓవర్లలో 10 వికెట్లు కోల్పోయి 184 పరుగులు చేసింది.లక్ష్య చేధన: 185 పరుగుల లక్ష్యంతో బరిలోకి దిగిన యునైటెడ్ ఫ్రెండ్స్ సిసి జట్టు కేవలం 20 ఓవర్లలోనే 100 పరుగులకు ఆలౌట్ అయ్యింది.దీంతో కుశాల్ సాయి సిసి జట్టు ఘన విజయాన్ని నమోదు చేసి ట్రోఫీని కైవసం చేసుకుంది.ఈ కార్యక్రమానికి ముఖ్య అతిథులుగా ఇందుకూరుపేట కో-ఆపరేటివ్ బ్యాంక్ చైర్మన్ గండవరపు అమర్నాథరెడ్డి, రంగనాయకులపేట దేవస్థానం మాజీ చైర్మన్ మంచి కంటి సుధాకర్ హాజరై విజేతలకు బహుమతులు అందజేశారు. ఈ సందర్భంగా వారు మాట్లాడుతూ క్రీడలు శారీరక దారుఢ్యంతో పాటు మానసిక ఉల్లాసాన్నిస్తాయని, గ్రామీణ ప్రాంత క్రీడాకారులను ప్రోత్సహించేందుకు ఇలాంటి టోర్నీలు దోహదపడతాయని కొనియాడారు.ఈ కార్యక్రమంలో కార్పొరేటర్ జానా నాగరాజు, మునగాల రంగారావు, కోవూరు మధు, చిల్లకూరు రాజిరెడ్డి తదితరులు పాల్గొన్నారు.
