NAGARAJU
ఉదయగిరి మన న్యూస్ ప్రతినిధి నాగరాజు:///
ఉదయగిరి నియోజకవర్గంలోని దుత్తలూరు,మండలం, భైరవరం, వరికుంటపాడు మండలం, జి కొండారెడ్డిపల్లి, గువ్వాడి ,ఉదయగిరి మండలం అప్పసముద్రం,గ్రామాల,పల్లెల్లో బెల్ట్‌షాపుల దందా జోరుగా సాగుతోంది. పల్లెలు, మారుమూల గ్రామాలు మత్తులో జోగుతున్నాయి. గ్రామాలు, తండాల్లో పుట్టగొడుగుల్లా బెల్ట్ దుకాణాలు వెలుస్తున్నాయి. నిబంధనలకు విరుద్ధంగా బెల్టు షాపులు ఏర్పాటు చేసి అధిక ధరలకు విక్రయిస్తున్నారు. అనేక మంది బెల్ట్ షాపుల్లో మద్యం కొనుగోలు చేసి జేబులు గుల్ల చేసుకుంటున్నారు. అప్పులు చేసి తాగడంతో కాపురాలు వీధిపాలవుతున్నాయి.ఎనీ టైం మద్యం…?అక్రమ బెల్టు దుకాణాలతో, పలు గ్రామాల్లో పల్లెల్లో మద్యం మందు బాబులకు చేరువైంది. కొన్ని గ్రామాలలో మద్యం డోర్ డెలివరీ కూడా అమలు చేస్తున్నారని సమాచారం. బెల్ట్ షాపుల్లో 24 గంటలు మద్యం అమ్మకాలు జరుగుతున్నాయి. మందుబాబులు తెల్లవారుజాము నుంచే, ఆయా గ్రామాల షాపుల వద్ద బహిరంగనే మద్యం సేవిస్తున్న, అధికారులు అటువైపు కన్నెత్తి కూడా చూడటం లేదు. బెల్ట్ షాపు ద్వారా మద్యం విక్రయాలు విచ్చలవిడిగా సాగుతున్నాయి. అమ్మేవారు కూడా, తాము అధికారులను, ప్రసన్నం చేసుకునే విక్రయాలను జరుపుకుందామని చెబుతుండడం విశేషం..! బెల్ట్ దుకాణాల బెడదపై అధికారులకు ఫిర్యాదు చేసిన పట్టించుకోవటం లేదని, ఆయా ప్రాంతాల ప్రజలు, మండిపడుతున్నారు. బెల్ట్ షాపులు యదేచ్చగా నడుస్తున్న మొక్కుబడి కేసులతో ఎక్స్చేంజ్ అధికారులు సరిపెడుతున్నారన్న విమర్శలు ఉన్నాయి. దాడుల్లో పట్టుబడ్డ మద్యం ఏ షాపుల్లో నుంచి వచ్చిందో, మూలాలను కనుక్కొని వాటిపై చర్యలు తీసుకోవడం లేదు. ఇప్పటికైనా ఉన్నత అధికారులు స్పందిస్తారు లేదో వేచి ఉండాల్సిన పరిస్థితి ఏర్పడింది..?పేరుకే కిరాణం.. అమ్మేది మద్యమే..!అనేకమంది పేరుకు కిరాణా దుకాణాలు నిర్వహిస్తూ లోపల మాత్రం మద్యం వ్యాపారం చేస్తున్నారు. సొంత ఇళ్లలో పెద్ద ఫ్రిడ్జులు పెట్టుకొని మరీ విక్రయిస్తున్నారు. వైన్‌షాపుల యజమానులు కారుల ద్వారా మద్యాన్ని ఊరూరా సరఫరా చేస్తున్నారు. తమకు కేటాయించిన గ్రామాలకు నిత్యం కారుల ద్వారా పంపించి అమ్ముతున్నారు. మద్యం మత్తులో ఇళ్ల మధ్యలో గొడవలు పడుతూ అర్ధరాత్రి వరకు నానా రభస చేస్తున్నారని గ్రామస్తులు ఆరోపిస్తున్నారు. ప్రతి గ్రామంలో బెల్ట్ షాపుల కారణంగా మద్యం ఏరులై పారుతోంది.పచ్చని సంసారాల్లో చిచ్చు…!మద్యం పచ్చని సంసారాల్లో చిచ్చు పెడుతోంది. ఊరూరా బెట్టుషాపులు పుట్టగొడుగుల్లా వెలుస్తున్నాయి. దీంతో పొద్దంతా పనిచేసి సంపాదించిన సొమ్మును మద్యానికి వెచ్చిస్తూ కుటుంబాలను వీధిన పడేస్తున్నారు. గ్రామాల్లో బెల్ట్‌షాపులు నిర్వహిస్తుండటంతో యువత పెడదారి పడుతోన్నారు. ఎక్సైజ్ అధికారులు మామూళ్ల మత్తులో జోగుతున్నారన్న ఆరోపణలు విపిస్తున్నాయి.పనికి వెళ్లకుండా పగలే తాగుతున్నారు
ఊళ్లో బెల్ట్‌షాపులు ఏర్పాటు కావడంతో చాలా మంది పనికి వెళ్లకుండా పగలే తాగుతున్నారు. దీంతో ఎన్నో కుటుంబాల్లో గొడవలు జరుగుతున్నాయి. పట్టించు కోవాల్సిన ఎక్స్చేంజ్ శాఖ అధికారులు పత్తా లేకుండా పోయారు. దీంతో పరిస్థితి దారుణంగా మారింది..బెల్ట్‌షాపులపై చర్యలు తీసుకోవాలి…!మా ఊళ్లో బెల్ట్ షాపులు ఏర్పాటు చేశారు. కిరాణ షాపుల్లో మద్యం అమ్ముతున్నారు. దీంతో గ్రామంలో గొడవలు జరుగుతున్నాయి. పచ్చని సంసారాలు నాశనం అవుతున్నాయి. అధికారులు స్పందించాలి. బెల్ట్‌షాపులు గ్రామంలో లేకుండా చర్యలు తీసుకోవాలి..సీఎం ఆదేశాలను బేఖాతర్ చేస్తున్న అధికారులు..?అక్రమ బెల్ట్ షాపులను నిర్వహించేవరకు కఠిన చర్యలు తీసుకోవాలని, కచ్చితంగా కేసులు బుక్ చేయాలని, సీఎం చంద్రబాబు నాయుడు సూచించిన, అక్రమ బెల్ట్ షాప్ లో ఉపేక్షించేది లేదని ఎన్నో సమావేశంలో తెలిపారు. కానీ అధికారులు మాత్రం నిమ్మకు నీరు ఎత్తినట్లు వ్యవహరిస్తున్నారు. ఈ అధికారులు తీరుపై ఉన్నతాధికారులు స్పందించి తగిన చర్యలు తీసుకోవాలని ప్రజలు కోరుకుంటున్నారు.
