మన న్యూస్: కడప జిల్లా: ఏప్రిల్ 10 : కడప నగరంలోని జిల్లా కాంగ్రెస్ పార్టీ కార్యాలయంలో ఏర్పాటు చేసిన విలేకరుల సమావేశంలో జిల్లా అధ్యక్షురాలు విజయ జ్యోతి మాట్లాడుతూ అహ్మదాబాద్లో ముగిసిన 86వ అఖిల భారత కాంగ్రెస్ కమిటీ (AICC) సమావేశంలో కాంగ్రెస్ పార్టీ పలు కీలక తీర్మానాలను ప్రకటించింది.రాహుల్ గాంధీ ప్రధాన ప్రసంగం చేశారు. ఈ సందర్భంగా వారు మాట్లాడుతూ ప్రజాస్వామ్య విలువలు, సామాజిక న్యాయం, హక్కుల పరిరక్షణపై కాంగ్రెస్ పార్టీ యొక్క నిబద్ధతను స్పష్టంగా వెల్లడించారు.
రాహుల్ గాంధీ పేర్కొన్న ముఖ్యాంశాలు: కుల గణన నిర్వహణపై గట్టి డిమాండ్. సమాజంలో సామాజిక న్యాయం అమలు కావాలంటే కుల గణన అత్యవసరం. 50% రిజర్వేషన్ పరిమితిని తొలగించాలన్న డిమాండ్ను పునరుద్ఘాటించారు.ఇటీవల కేంద్ర ప్రభుత్వం తీసుకువచ్చిన వక్ఫ్ చట్టం భారత రాజ్యాంగానికి విరుద్ధంగా ఉందని, ఇది మత స్వేచ్ఛపై దాడిగా అభివర్ణించారు.సమాజంలో ధార్మిక గందరగోళాన్ని పెంచే ప్రయత్నం, ముస్లింలు మరియు క్రైస్తవులను లక్ష్యంగా చేసుకుని వారి జీవితాలను భయభ్రాంతుల్లోకి నెట్టడం పెద్ద నేరమని రాహుల్ గాంధీ విమర్శించారు. సమస్యల నుంచి దృష్టి మళ్లించేందుకు పార్లమెంట్లో డ్రామాలు, దేశానికి ఎదురవుతున్న అసలు సమస్యలపై చర్చకు మళ్లించకుండా బీజేపీ ప్రభుత్వం కల్పిత వ్యవహారాలతో ప్రజలను తప్పుదోవ పట్టిస్తున్నదని విమర్శించారు.
రాహుల్ గాంధీ కీలకంగా ప్రకటించిన అంశం: ఇకపై కాంగ్రెస్ పార్టీకి బలమైన ఆధారంగా జిల్లా కాంగ్రెస్ కమిటీలు (DCC) మరియు జిల్లా స్థాయి నాయకత్వం నిలవాలని, అదే పార్టీ నిర్మాణానికి మూలస్తంభంగా మారాలని తెలిపారు.ఈ సమావేశంలో “న్యాపథ్” (న్యాయ మార్గం) అనే పేరుతో తీర్మానం ఆమోదించబడింది.
ఈ తీర్మానంలో పేర్కొనబడినవి:
1,కాంగ్రెస్ పార్టీ దేశభక్తి భావన అనేది ప్రజలను ఏకం చేసే విలువలపై ఆధారపడి ఉంది.
2,మిగిలినవారు ప్రదర్శించే నకిలీ దేశభక్తి ప్రజలను విభజించే ఆలోచనలతో నిండి ఉంది.
3,సెక్యులరిజం పట్ల కాంగ్రెస్ నిబద్ధత భారతదేశ పౌరాణిక సంస్కృతి నుండి స్ఫూర్తి పొందింది.
సారాంశంగా చెప్పాలంటే, సామాజిక న్యాయం, మత స్వేచ్ఛ, ప్రజాస్వామ్య పరిరక్షణ కోసం కాంగ్రెస్ పార్టీ ధైర్యంగా నిలుస్తుందని ఈ సమావేశం నిరూపించింది. దేశాన్ని విభజించే బీజేపీ విధానాలను ప్రజలు గుర్తించాలనే విజ్ఞప్తిని AICC చేసింది. ఈ సమావేశంలో కడప అసెంబ్లీ సమన్వయకర్త బండి జకరయ్య, నగర అధ్యక్షులు అఫ్జల్ ఖాన్, సయ్యద్ గౌస్ పీర్ ,అబ్దుల్ సత్తార్, మైనుద్దీన్, సంజయ్ కాంత, హమీద్, ఖాదర్ ఖాన్, రహమతుల్లా ఖాన్, షేక్ నీలం, సిరాజుద్దీన్, కమల్ బాషా, ముబారక్, హరిప్రసాద్, విజయ్ కుమార్ తదితరులు పాల్గొన్నారు.