mananews
పుట్టపర్తి, శ్రీ సత్యసాయి జిల్లా, జూలై 6 (మన న్యూస్): – ఆంధ్రప్రదేశ్ రెడ్డి సంఘం రాష్ట్ర కార్యవర్గ సమావేశం నేడు శ్రీ సత్యసాయి జిల్లా కేంద్రం పుట్టపర్తిలో ఘనంగా నిర్వహించబడింది. ఈ సమావేశంలో రాష్ట్ర స్థాయి నాయకులు, విభాగాల ప్రతినిధులు పాల్గొన్నారు. సమావేశంలో వివిధ అంశాలపై చర్చించి కింది తీర్మానాలను ఆమోదించారు. రెడ్డి కులస్తులపై దాడులు చేసే వారిని ప్రభుత్వం కఠినంగా శిక్షించాలనే తీర్మానం చేయబడింది. ఇటువంటి దాడులను ఖండిస్తూ బాధితులకు తోడుగా రెడ్డి సంఘం నిలుస్తుందని స్పష్టం చేశారు. రెడ్డి కార్పొరేషన్‌కి చైర్మన్‌ను నియమించి రూ.2000 కోట్ల నిధులను కేటాయించాలని, పేద మరియు మధ్యతరగతి వర్గానికి సబ్సిడీ రుణాలు అందించాలని కోరారు. ఈడబ్ల్యూఎస్ సర్టిఫికెట్ల జారీని సులభతరం చేయాలని సూచించారు. రెడ్డి ఉద్యోగులపై కక్షసాధింపు చర్యలను ఖండిస్తూ, వారికి మద్దతుగా సంఘం నిలుస్తుందని, ఈ చర్యలను ఆపాలని ప్రభుత్వాన్ని కోరారు. అక్రమంగా రెడ్డి కులస్తులపై నమోదవుతున్న ఎస్సీ, ఎస్టీ అట్రాసిటీ కేసులపై పూర్తి విచారణ జరపాలని, ఈ కేసులకు న్యాయపరంగా సహాయం అందిస్తామని తెలిపారు. రాష్ట్రంలోని అన్ని జిల్లాల్లో త్వరలోనే పూర్తిస్థాయి కమిటీలను ఏర్పాటు చేయాలని తీర్మానం చేశారు. ఈ తీర్మానాలన్నింటినీ రాష్ట్ర కార్యవర్గ సభ్యులు ఏకగ్రీవంగా ఆమోదించారు. ఈ కార్యక్రమానికి రాష్ట్ర అధ్యక్షులు గంగుల కుంట నరేష్ కుమార్ రెడ్డి, రాష్ట్ర ప్రధాన కార్యదర్శి తమ్మినేని గోపాల్ రెడ్డి, రాష్ట్ర కార్యనిర్వాహక అధ్యక్షులు దండు ధర్మారెడ్డి, మహిళా విభాగం అధ్యక్షురాలు సుహాసిని రెడ్డి, విద్యార్థి విభాగం అధ్యక్షుడు నితిన్ రెడ్డి, యువజన విభాగం రాష్ట్ర కార్యనిర్వాహక అధ్యక్షుడు విశ్వనాథ రెడ్డి, ఉపాధ్యక్షుడు బండి దామోదర్ రెడ్డి, చిత్తూరు జిల్లా యువజన విభాగం అధ్యక్షుడు కంబాల చేను జితేందర్ రెడ్డి, అనంతపురం జిల్లా అధ్యక్షుడు పాటిల్ రామకృష్ణారెడ్డి, సత్యసాయి జిల్లా అధ్యక్షుడు బాబుల్ రెడ్డి సహా వివిధ జిల్లాల రాష్ట్ర నాయకులు పాల్గొన్నారు.
అపురూప్
