రేణిగుంట:
తిరుపతి జిల్లా రేణిగుంట మండల కేంద్రంలో మౌలిక సదుపాయాల కల్పనే ధ్యేయంగా ₹6 కోట్ల అంచనా వ్యయంతో నిర్మించనున్న బీటీ, సీసీ రోడ్ల నిర్మాణ పనులను శ్రీకాళహస్తి శాసనసభ్యులు బొజ్జల వేంకట సుధీర్ రెడ్డి భూమి పూజ చేశారు .
ఈ సందర్భంగా పట్టణంలోని పలు కీలక ప్రాంతాల్లో ఎమ్మెల్యే సుధీర్ రెడ్డి ప్రత్యేక భూమిపూజ కార్యక్రమాలు నిర్వహించారు.కార్మరియమ్మ గుడి వద్ద సీసీ రోడ్డు నిర్మాణ పనులకు భూమిపూజ.
బషీర్ తోట నుండి తిమ్మాయిగుంట వెళ్లే రహదారి అభివృద్ధి పనులకు భూమిపూజ.
ఒడ్డుమిట్ట స్మశాన వాటిక సీసీ రోడ్డు నిర్మాణ పనులకు భూమిపూజ.
ఈ సందర్భంగా శ్రీకాళహస్తి ఎమ్మెల్యే బొజ్జల సుధీర్ రెడ్డి మాట్లాడుతూ… రేణిగుంట పట్టణం మరియు మండలంలో డ్రైనేజీ సమస్యలకు శాశ్వత పరిష్కారం చూపనున్నట్లు తెలిపారు. ఆంధ్రప్రదేశ్ ఉప ముఖ్యమంత్రి పవన్ కళ్యాణ్ ప్రత్యేక చొరవతో త్వరలోనే ₹30 కోట్ల నిధులు విడుదల కానున్నాయని వెల్లడించారు. ఈ నిధులతో రేణిగుంట వ్యాప్తంగా సమగ్ర డ్రైనేజీ వ్యవస్థను, అంతర్గత రహదారులను వేగవంతంగా అభివృద్ధి చేస్తామని హామీ ఇచ్చారు.
ఈ కార్యక్రమంలో కూటమి నాయకులు, పెద్ద సంఖ్యలో కార్యకర్తలు మరియు ప్రజలు పాల్గొని కార్యక్రమాన్ని విజయవంతం చేశారు. స్థానిక నియోజకవర్గ అభివృద్ధే లక్ష్యంగా కూటమి ప్రభుత్వం పనిచేస్తోందని నాయకులు ఈ సందర్భంగా హర్షం వ్యక్తం చేశారు
