రేణిగుంట:
తిరుపతి జిల్లా రేణిగుంట మండలంలోని ఎంపీడీవో కార్యాలయలో ఈరోజు నిర్వహించిన సమావేశ మందిరంలో ఎంపీడీవో రవిచంద్ర, ఆర్వో ఆదినారాయణల సంయుక్త ఆధ్వర్యంలో ఎంపీటీసీ/జెడ్పీటీసీ ఎన్నికల పోస్టల్ బ్యాలెట్ల వినియోగంపై ప్రత్యేక సమావేశం నిర్వహించారు.
ఈ సందర్భంగా ఎంపీడీవో రవిచంద్ర, ఆర్వో ఆదినారాయణ మాట్లాడుతూ.. ఎన్నికల విధుల్లో (ఎలక్షన్ డ్యూటీ ) ఉన్న అభ్యర్థులు మరియు సిబ్బంది నవంబర్డ 2వ తేదీ ఉదయం 10:00 గంటల నుండి సాయంత్రం 5:00 గంటల వరకు తమ పోస్టల్ బ్యాలెట్లను ఓటు హక్కుగా వినియోగించుకోవచ్చని స్పష్టం చేశారు.
అలాగే, పోస్టల్ బ్యాలెట్ ద్వారా ఓటు వేయడానికి వచ్చేవారు తప్పనిసరిగా తమ ఓటర్ ఐడీ కార్డ్ మరియు ఎలక్షన్ డ్యూటీ ఐడీ కార్డ్ రెండింటిని వెంట తీసుకురావాలని అధికారులు తెలియజేశారు. అర్హులైన ఎలక్షన్ డ్యూటీ సిబ్బంది అందరూ ఈ అవకాశాన్ని సద్వినియోగం చేసుకోవాలని కోరారు.
