రేణిగుంటమన ద్యాస మే 22.
శ్రీకాళహస్తి నియోజకవర్గ శాసనసభ్యులు బోజ్జల వెంకట సుధీర్ రెడ్డి జన్మదిన వేడుకలు రేణిగుంట మండలంలో అత్యంత వైభవంగా, సేవా దృక్పథంతో జరిగాయి. ఆడంబరాలకు, వృథా ఖర్చులకు దూరంగా, సమాజానికి ఉపయోగపడేలా అర్థవంతంగా ఈ వేడుకలను నిర్వహించారు. ఇందులో భాగంగా రేణిగుంట పట్టణంలో రోడ్డుకు ఇరువైపులా విస్తృతంగా మొక్కలు నాటి పర్యావరణ పరిరక్షణపై స్థానికులకు అవగాహన కల్పించారు. అనంతరం విమానాశ్రయం మార్గంలోని ‘అక్షయ క్షేత్రం’ ఆశ్రమానికి చేరుకుని, అక్కడి విభిన్న ప్రతిభావంతులైన (దివ్యాంగుల) పిల్లల సమక్షంలో కేక్ కట్ చేసి ఎమ్మెల్యే సుధీర్ రెడ్డికి పుట్టినరోజు శుభాకాంక్షలు తెలియజేశారు. ఈ సందర్భంగా ఆశ్రమ నివాసితులకు వివిధ రకాల పండ్లు, కేకులు, బిస్కెట్లను పంపిణీ చేసి వారి ముఖాల్లో ఆనందాన్ని నింపారు.
ఈ సేవా కార్యక్రమాల్లో పాల్గొన్న రేణిగుంట పట్టణ అధ్యక్షులు మహబూబ్ బాషా మాట్లాడుతూ.. ఎమ్మెల్యే ఆదేశాల మేరకే ఈ వినూత్న కార్యక్రమాలను చేపట్టినట్లు తెలిపారు. కేవలం వేడుకలకే పరిమితం కాకుండా, వికలాంగుల ఆకలి తీర్చి వారికి అండగా నిలవడమే తాము ఎమ్మెల్యేకి అందించే నిజమైన జన్మదిన కానుకని ఆయన వ్యాఖ్యానించారు. ఈ క్రమంలోనే శుక్రవారం సాయంత్రం మంచినీళ్ల గుంట ప్రాంతంలో ‘హ్యాపీ బర్త్ డే సుధీర్ అన్న’ అంటూ ఫైర్ ఆర్ట్ (నిప్పుతో శుభాకాంక్షలు) ప్రదర్శించిన హనీ, ఎమ్మెల్యేపై తనకున్న అభిమానాన్ని వినూత్నంగా చాటుకుంది. ఈ ప్రత్యేక ప్రదర్శన స్థానికులను విశేషంగా ఆకట్టుకుంది.
ఈ ఘనమైన వేడుకల్లో పట్టణ అధ్యక్షుడు మహబూబ్ బాషాతో పాటు క్లస్టర్ ఇంచార్జ్ పుష్పనాదం, ముస్లిం మైనారిటీ నేత షేక్ నవాబ్, జ్యోతి నగర్ యూనిట్ ఇంచార్జ్ ఎస్. బాబు, బూత్ కన్వీనర్ చైతన్య అప్పు, మరియు ముఖ్య నాయకులు నెల్లూరు సుబ్రహ్మణ్యం, కిరణ్, జయ, వాసు సుబ్రహ్మణ్యం, గజేంద్ర, సంపత్, బుల్లెట్ రాజా, హమీద్, ప్రభు తదితర తెలుగుదేశం పార్టీ (టిడిపి) కార్యకర్తలు, అభిమానులు పెద్ద సంఖ్యలో పాల్గొని సేవా, సాంస్కృతిక కార్యక్రమాలను విజయవంతం చేశారు.
