SAMBAIAH1
మన న్యూస్ ,గూడూరు :తిరుపతి జిల్లా ,గూడూరు ప్రగతి సేవా సంస్థ ఆధ్వర్యంలో శనివారం ఉదయం గూడూరు లో ప్రభుత్వ ఏరియా హాస్పిటల్ నందు పేద ప్రజలందరూ వైద్య నారాయణుడిగా భావిస్తున్న “డాక్టర్ సి.ఆర్.రెడ్డి పేరు మీద డాక్టర్ సి.ఆర్. రెడ్డి ఆరోగ్య సంజీవని”అనే కార్యక్రమం ద్వారా పేద ప్రజలు డాక్టర్ దేవుళ్ళుగా పిలవబడే డాక్టర్ జనార్దన్ రెడ్డి డాక్టర్ రోహిణి సంపూర్ణ సహాయ సహకారాలతో ఎయిడ్స్ వ్యాధిగ్రస్తుల జీవన ప్రమాణాలు పెంచడం కోసం ఎయిడ్స్ వ్యాధి బాధితులు అయిన 30 మందికి ప్రతినెల పౌష్టికాహారం పంపిణీ కార్యక్రమం నిర్వహించడం జరిగింది.ఈ సందర్భంగా అధ్యక్షులు కడివేటి చంద్రశేఖర్ మాట్లాడుతూ…… డాక్టర్ సి ఆర్ రెడ్డి పేరుమీద నిర్వహిస్తున్న ఈ కార్యక్రమానికి దాతలుగా వ్యవహరిస్తున్న డాక్టర్ రోహిణమ్మ డాక్టర్ జనార్దన్ రెడ్డికు ప్రత్యేకమైన ధన్యవాదాలు తెలియజేశారు. భౌతికంగా సి ఆర్ రెడ్డి మన మధ్య లేకపోయినప్పటికీ బ్రతికి ఉన్నప్పుడు డాక్టర్ గా ఎంతో మందికి ఆరోగ్యాన్ని కాపాడే విధంగా చేశారు చనిపోయిన తర్వాత కూడా తన పేరు మీద జరుగుతున్న ఈ కార్యక్రమం ద్వారా కొద్దిమందికి ఆరోగ్యాన్ని ప్రధానం చేస్తున్న వారు చిరస్మరణీయులని అన్నారు.ఈ కార్యక్రమంలో నెల్లూరు పాజిటివ్ నెట్వర్క్ ప్రెసిడెంట్ ధనుర్జ , హాస్పిటల్ డాక్టర్ హరీష్ రెడ్డి , హాస్పటల్ సిబ్బంది సాయి , ట్రెజరర్ కాటూరి శ్రీనివాసులు, వాకాటి రామ్మోహన్రావు, టీచర్ మామడూరు రాధయ్య, ఐటిఐ ప్రభాకర్ , రిటైర్డ్ ఎస్సై ప్రభాకర్ ,పురంధర రాజు , వెంకటేశ్వరరావు, పిల్లిలా శ్రీనివాసులు, పోతిరెడ్డి పెంచలయ్య , కృష్ణారెడ్డి, గోల్డ్ షాప్ మల్లికార్జున్ , డిష్ నాగరాజు తదితరులు పాల్గొన్నారు.
అపురూప్
