రేణిగుంట మన ద్యాస ఏప్రిల్తి 30. తిరుపతి జిల్లా రేణిగుంట పట్టణం
లో గల శ్రీ సాయి ఆంగ్ల మాధ్యమ ఉన్నత పాఠశాల 2025–2026 విద్యా సంవత్సరం పదో తరగతి ఫలితాల్లో అద్భుత విజయాన్ని నమోదు చేసింది. ఈ ఏడాది పాఠశాల ఏకంగా తొంభై తొమ్మిది శాతం ఉత్తీర్ణత సాధించడమే కాకుండా, మండలంలోనే ప్రథమ స్థానాన్ని దక్కించుకోవడం విశేషం. ఈ ఘనత సాధించినందుకు పాఠశాల ప్రతినిధి విద్యార్థులను అభినందిస్తూ సంతోషం వ్యక్తం చేశారు. పాఠశాల అగ్రగామి రోహిత్ నారాయణ 600 మార్కులకు గాను 592 మార్కులు సాధించి అత్యుత్తమ ప్రతిభ కనబరచగా, నవ్య ఎం. పుర్కైత్ 588, కీర్తన 585, మరియు అర్జున్ రెహాన్ 583 మార్కులతో ముందంజలో నిలిచారు. వీరితో పాటు మానస 558, జోయల్ 556, మహాదేవ్ నాయుడు 556, షేక్ మహమ్మద్ రిహాన్ 547, టి.కె. ధన శ్రీ 543, టి. సుశాంత్ 543, బి. లాస్య 539, పి. భాను ప్రకాష్ 520, ఆర్.ఆర్. తరుణ్ బాలాజీ 517, సి. ఉమా శ్రీ 508 మరియు జి.ఎన్. గోపి 508 మార్కులతో ఘనవిజయం సాధించారు. మొత్తం ఇరవై మూడు మంది విద్యార్థులు పరీక్ష రాయగా, అందులో పదిహేను మంది విద్యార్థులు ఐదు వందలకు పైగా మార్కులు సాధించడం పాఠశాల యొక్క నాణ్యమైన విద్యకు నిదర్శనమని ప్రతినిధి పేర్కొన్నారు. ఈ విజయం విద్యార్థుల కఠిన శ్రమ, ఉపాధ్యాయుల అంకితభావం మరియు తల్లిదండ్రుల సహకారం వల్లే సాధ్యమైందని, తమ పాఠశాలను నమ్మి ఆదరించిన అందరికీ హృదయపూర్వక ధన్యవాదాలు తెలియజేస్తున్నామని ఆయన వివరించారు.
