రేణిగుంట జూన్ 10.
తిరుపతి జిల్లా రేణిగుంట మండల తెలుగుదేశం పార్టీ (టిడిపి) సీనియర్ నాయకులు నెల్లూరు సుబ్రహ్మణ్యం జన్మదిన వేడుకలు రేణిగుంట ఎయిర్పోర్ట్ రోడ్డులోని “అక్షయ క్షేత్రం” ఆశ్రమంలో అత్యంత ఘనంగా మరియు అట్టహాసంగా జరిగాయి.
ఈ రోజు సాయంత్రం జరిగిన ఈ వేడుకల్లో నెల్లూరు సుబ్రహ్మణ్యం ఆశ్రమంలోని అనాధలు, నిరుపేదల మధ్య కేక్ కట్ చేసి తన పుట్టినరోజును జరుపుకోవడం విశేషం. సమాజంలో వెనుకబడిన వారికి, అనాధలకు అండగా నిలవాలనే ఉద్దేశంతో ఆయన తన జన్మదినాన్ని ఇక్కడ జరుపుకొని అందరికీ ఆదర్శంగా నిలిచారు. ఆశ్రమ నివాసితులు ఆయనకు హృదయపూర్వక జన్మదిన శుభాకాంక్షలు తెలియజేశారు.
ఈ సేవా కార్యక్రమంలో టిడిపి నాయకులు, కార్యకర్తలు పెద్ద సంఖ్యలో పాల్గొన్నారు. ముఖ్యంగా ఏ. రాజేంద్రప్రసాద్, ఏ. గంగాధరం, శివ, వెట్టి అభి, సాగర్ మరియు ఇతర ముఖ్య నాయకులు సుబ్రహ్మణ్యం కి శాలువాలు కప్పి, పూలమాలలతో ఘనంగా సత్కరించి, జన్మదిన శుభాకాంక్షలు అందజేశారు. ఆయన భవిష్యత్తులో మరిన్ని ఉన్నత పదవులు అధిరోహించాలని, ఆయురారోగ్యాలతో వర్ధిల్లాలని వారు ఆకాంక్షించారు.
