విద్యాకుసుమానికి సముచిత గుర్తింపు: తిరుపతి జిల్లా ఉత్తమ ఉపాధ్యాయుడిగా కె. చంద్రశేఖర్!.

— డీఈవో చేతుల మీదుగా ఘన సత్కారం.. రేణిగుంటకు దక్కిన అరుదైన గౌరవం.

— నా మిత్రునికి ఉత్తమ ఉపాధ్యాయుడు పురస్కారం రావడం ఎంతో ఆనందంగా ఉంది: ఎం.ఏ. జబ్బార్ ట్రస్ట్ అధినేత డాక్టర్. షేక్. ఫరీద్ బాబా.

​రేణిగుంట, (న్యూస్):

అంతర్జాతీయ ఉపాధ్యాయ దినోత్సవాన్ని పురస్కరించుకుని ఆంధ్రప్రదేశ్ ఐక్య ఉపాధ్యాయ ఫెడరేషన్ తిరుపతి జిల్లా శాఖ ఆధ్వర్యంలో నిర్వహించిన ఉత్తమ ఉపాధ్యాయుల ఎంపికలో రేణిగుంట మండలం, వెదుళ్లచెరువు ఎస్.టి. కాలనీ మోడల్ ప్రాథమిక పాఠశాల ఉపాధ్యాయులు కె. చంద్రశేఖర్ ఉత్తమ ఉపాధ్యాయ అవార్డుకు ఎంపికయ్యారు. ఈ సందర్భంగా ఏర్పాటు చేసిన సభలో తిరుపతి జిల్లా విద్యాశాఖాధికారి కె.వి.ఎన్. కుమార్ చేతుల మీదుగా ఆయన ఈ ప్రతిష్టాత్మక అవార్డును, ఘన సత్కారాన్ని అందుకున్నారు. అంకితభావంతో పనిచేస్తున్న ఒక నిజమైన జ్ఞానదాతకు ఈ సముచిత గుర్తింపు లభించడం పట్ల మండల వ్యాప్తంగా హర్షం వ్యక్తమవుతోంది.

​ఉత్తమ ఉపాధ్యాయునికి ఉండాల్సిన అన్ని లక్షణాల నిలువెత్తు రూపం: కె. చంద్రశేఖర్

ఒక ఆదర్శవంతమైన ఉపాధ్యాయుడికి ఉండాల్సిన మృదు స్వభావం, పట్టుదల, ఓర్పు, మరియు అపారమైన విషయ పరిజ్ఞానం చంద్రశేఖర్ ప్రత్యేకతలు. కేవలం పుస్తకాల్లోని పాఠాలు చెప్పడమే కాకుండా, విద్యార్థులకు నైతిక విలువలు, మంచి క్రమశిక్షణ నేర్పుతూ వారిని సమాజంలో ఉన్నత పౌరులుగా తీర్చిదిద్దడంలో ఆయన నిరంతరం శ్రమిస్తున్నారు. పాఠశాలలో ఉన్న పేద విద్యార్థులకు తనవంతుగా సహాయ సహకారాలు అందిస్తూ, వారి చదువుకు ఏ ఆటంకం కలగకుండా చూసుకునే ఉదార స్వభావం ఆయన సొంతం. ఆయన బోధనా నైపుణ్యం, అంకితభావం కారణంగానే ఈరోజు ఆయన దగ్గర చదువుకున్న ఎంతో మంది విద్యార్థులు డాక్టర్లుగా, ఇంజనీర్లుగా, ఉన్నత ప్రభుత్వ ఉద్యోగులుగా సమాజంలో ఉన్నత స్థానాల్లో స్థిరపడ్డారు.

​నా మిత్రుడికి అవార్డు రావడం ఎంతో గర్వకారణం: డాక్టర్ షేక్ ఫరీద్ బాబా

ఈ సందర్భంగా ఎం.ఏ. జబ్బార్ ట్రస్ట్ అధినేత డాక్టర్ షేక్ ఫరీద్ బాబా మాట్లాడుతూ — “కె. చంద్రశేఖర్ నా చిన్ననాటి మిత్రుడు. మేమిద్దరం ఒకే పాఠశాలలో చదువుకున్నాం. చిన్నప్పటి నుంచే ఆయన మృదు స్వభావి. ఉపాధ్యాయ వృత్తిని ఎంచుకున్న నాటి నుంచి విద్యార్థులకు తన జ్ఞానాన్ని పంచుతూ, క్రమశిక్షణతో కూడిన నాణ్యమైన విద్యను అందిస్తున్నారు. సమాజానికి సేవ చేస్తూ పేద పిల్లలకు అండగా నిలుస్తున్న నా మిత్రునికి ఈ రోజు జిల్లా స్థాయిలో ఉత్తమ ఉపాధ్యాయ పురస్కారం లభించడం నాకు ఎంతో గర్వంగా, ఆనందంగా ఉంది. ఆయన సాధించిన ఈ విజయంతో రేణిగుంట కీర్తి ప్రతిష్టలు జిల్లా వ్యాప్తంగా మారుమోగుతున్నాయి” అని కొనియాడారు.

​పాఠశాలకు, రేణిగుంట ప్రాంతానికి అరుదైన గౌరవం తెచ్చిన ఉపాధ్యాయుడు కె. చంద్రశేఖర్‌ను రేణిగుంట మండల ప్రజలు, తోటి ఉపాధ్యాయులు, గ్రామస్థులు మరియు మిత్రులు ఘనంగా అభినందించారు.