MANANEWS1
మన న్యూస్ తిరుపతి, డిసెంబర్ 20, 2024:- వివిధ పరిశ్రమ రంగాలలో కార్యకలాపాలు నిర్వహిస్తున్న 2 బిలియన్ డాలర్ల బహుళ జాతి సంస్థ అమర రాజా గ్రూప్, తమ 39 వ వ్యవస్థాపక దినోత్సవాన్ని పూర్తి సంతోషంగా మరియు ఉత్సాహంగా జరుపుకుంది. 1985లో అమర రాజా పవర్ సిస్టమ్స్‌గా కార్యకలాపాలను ప్రారంభించిన గ్రూప్ ఇప్పుడు 6 కంపెనీలు, 17 వ్యాపారాలు మరియు 18,500+ ఉద్యోగులతో అభివృద్ధి చెందింది.ఫౌండేషన్ డే వేడుకలో భాగంగా, మెరుగైన అవకాశాలకు మెరుగైన ప్రాప్యతను అందించే గ్రూప్ వారసత్వాన్ని ముందుకు తీసుకెళ్లడానికి అమర రాజా బెటర్ వే అవార్డుల విజేతలను ప్రకటించింది. ఈ కార్యక్రమంలో, ముగ్గురు గ్రామీణ పారిశ్రామికవేత్తలను ఎంపిక చేసి, వారికి రూ. 3 లక్షల నగదు బహుమతి మరియు అమర రాజా కు చెందిన మార్కెటింగ్, హెచ్‌ఆర్, ఫైనాన్స్ మరియు సప్లై చెయిన్‌ సిఎక్స్ఓ లతో ఒక సంవత్సరం పాటు మెంటర్‌షిప్ అందిస్తారు.పబ్లిక్ స్పీకర్, వ్యవస్థాపకుడు, పరోపకారి మరియు ఎంఐటి యొక్క మొదటి అంతర్జాతీయ అంధ విద్యార్థి శ్రీకాంత్ బొల్లా తన స్ఫూర్తిదాయకమైన ప్రయాణంనీ వివరిస్తూ ఉద్యోగులకు ప్రేరణ కల్పించారు. తమిళనాడుకు చెందిన ‘ అంతరం’ బృందం శాస్త్రీయ మరియు సమకాలీన రీతులను మిళితం చేసి ఉత్సాహపూరితమైన నృత్యాన్ని ప్రదర్శించారు మరియు ఆకర్షణీయమైన ప్రదర్శనలను రూపొందించారు. *ఈ సందర్భంగా అమర రాజా గ్రూప్ చైర్మన్ జయదేవ్ గల్లా “ఈ సంవత్సరం, మేము “3X — ఎక్సీడ్, ఎక్స్‌పాండ్, ఎక్సెల్” అనే నేపథ్యం స్వీకరిస్తున్నందున, మేము మా గత విజయాలను జరుపుకుంటున్నాము మరియు ఉత్సాహపూరితమైన భవిష్యత్తుపై దృష్టి పెడుతున్నాము. గత 39 ఏళ్లలో, మేము నిర్వహిస్తున్న పరిశ్రమలను పునర్నిర్వచించాము మరియు గొప్ప విజయాలతో ముందుకు సాగుతున్నాము, ”అని అన్నారు.* ఈ వేడుకలకు అమర రాజా వ్యవస్థాపక చైర్మన్ డా. రామచంద్ర నాయుడు గల్లా, గల్లా అరుణ కుమారి, డాక్టర్ రమాదేవి గౌరినేని, హర్షవర్ధన్ గౌరినేని, విక్రమాదిత్య గౌరినేని, సిద్ధార్థ్ గల్లా మరియు అశోక్ గల్లా మరియు గ్రూప్ ఆపరేషన్స్ హెడ్ శ్రీ నరసింహులు నాయుడు తో సహా అగ్ర నాయకత్వం పాల్గొంది.
JALAIAH
N Prathap Reddy
