వైద్య అధ్యాపకులకు మూడు రోజుల నిరంతర వైద్య విద్య కార్యక్రమం..

తిరుపతి

ఎస్ వి వైద్య కళాశాల అదనపు వైద్య విద్య సంచాలకులు మరియు ప్రిన్సిపాల్ డాక్టర్ జి రవి ప్రభు ఆధ్వర్యంలో వైద్య అధ్యాపకులకు నిరంతర వైద్య విద్య కార్యక్రమాన్ని ప్రారంభించారు. ఈ కార్యక్రమం మూడు రోజులపాటు నిర్వహిస్తున్నామని తెలిపారు.*

ఈ సందర్భంగా ఆయన మాట్లాడుతూ సి.ఎం.సి. వెల్లూరు వారి సౌజన్యంతో (06) ఆరవ బి.సి.ఎం.ఇ. కార్యక్రమాన్ని ప్రారంభించామని తెలిపారు.

*నేషనల్ మెడికల్ కౌన్సిల్ న్యూఢిల్లీ వారి ఆదేశాల మేరకు కో-ఆర్డినేటర్‌గా డా శ్రీహరి రావు నియమించారు.

వైద్య అధ్యాపకులు నిరంతరము వైద్య విద్యలో వచ్చే మార్పులను గమనించి తమ ప్రావీణ్యాలను పెంచుకోవాలన్నారు.*

అప్పుడే పేద రోగులకు మెరుగైన వైద్యాన్ని అందించవచ్చునని అన్నారు.

వైద్య విద్య అభ్యసించే వైద్య విద్యార్థులకు ఉత్తమమైన వైద్య విద్యను అందించవచ్చునని తెలిపారు.*

రుయా ఆసుపత్రి సూపరింటెండెంట్ డా బి. మనోహర్ మాట్లాడుతూ వైద్య విద్యను అభ్యసించేటప్పుడు, కొత్త కొత్తగా వస్తున్న వైద్య రంగంలోని మార్పులను, ఎప్పటికప్పుడు వైద్య విద్యార్థులకు, మెలుకువలు తెలియపరచినట్లయితే రోగులకు మెరుగైన వైద్యం అందించవచ్చునని తెలిపారు.

ఈ కార్యక్రమంలో నిరంతర వైద్య విద్య నోడల్ అధికారి డా. ఏఎస్ కిరీటి, ప్రసూతి ఆసుపత్రి సూపరిటెండెంట్ డాక్టర్ ప్రమీల దేవి, డాక్టర్ సిరిగిరి సునీత, వైద్యులు, వైద్య అధ్యాపకులు, పీజీ వైద్య విద్యార్థులు, ఫ్యాకల్టీ, ఎం.ఇ.యు. తదుతరులు పాల్గొన్నారు.