mananews
గూడూరు, మన న్యూస్ :- గణేష్ మండపాల్లో విగ్రహాల ప్రతిష్ట మరియు నిమజ్జనం కొరకు పోలీస్ వారి అనుమతులు తప్పనిసరి గా ఉండాలని, వినాయక చవితి పండుగను పురస్కరించుకొని గణేష్ విగ్రహాలను ప్రతిష్టించడం మరియు మండపాలు ఏర్పాటు చేయదలచిన వారు ముందుగా పోలీసు వారి అనుమతి తీసుకోవడం తప్పనిసరి అని గూడూరు డిఎస్పి గీతా కుమారి అన్నారు. ఈ సందర్భంగా ఆమె మాట్లాడుతూ వినాయక చవితి పండుగ సందర్భంగా ప్రజలు శాంతియుత వాతావరణంలో దైవ కార్యక్రమాలను భక్తి శ్రద్ధలతో నిర్వహించుకోవాలని అదేవిధంగా కమిటీ సభ్యులు గణేష్ ఉత్సవాల సందర్భంగా అనుసరించవలసిన మార్గదర్శకాలు మరియు జాగ్రత్తలు తప్పకుండా పాటించాలని సూచించారు. గణేష్ నవరాత్రి వేడుకలను నిర్వహించాలనుకునే వారు తొలుత ఒక కమిటీని ఏర్పాటు చేసుకోవాలి. ఆ కమిటీ అన్ని కార్యకలాపాలకు పూర్తి బాధ్యత వహించాలి.విగ్రహాలు ప్రజా స్థలాల్లో ప్రతిష్టించాలి అనుకునే వారు స్థానిక పంచాయతీ నుండి అనుమతి పొందాలి .గణేష్ విగ్రహాలు వ్యక్తిగత స్థలంలో పెట్టాలనుకునే వారు ఆ స్థలం యజమాని నుండి అనుమతి తప్పనిసరిగా పొందాలి. విగ్రహాల ఏర్పాటు ప్రజలకు ఎటువంటి అసౌకర్యం కలిగించకూడదు లేదా ట్రాఫిక్‌ను అంతరాయం కలిగించకూడదు. మైక్రోఫోన్‌లు మరియు ధ్వనివ్యవస్థలనువినియోగించడానికి సంబంధిత పోలీస్ స్టేషన్ అగ్నిమాపక విద్యుత్ శాఖ నుండి ముందస్తుగా అనుమతి పొందాలి. ధ్వని ప్రజలకు ఇబ్బంది కలిగించకుండా ఉండాలి. రాత్రి 10:00 గంటల తర్వాత ఎటువంటి కార్యక్రమాలు నిర్వహించకూడదు. మండపాలల్లో హుండీలు లేదా విలువైన వస్తువులు ఉన్నట్లయితే, ఆ కమిటీ పూర్తి బాధ్యత వహించాలి. సీసీటీవీ కెమెరాలు ఆ ప్రదేశంలో ఏర్పాటు చేయాలి.విద్యుత్ కనెక్షన్ల కోసం విద్యుత్ శాఖ నుండి అనుమతి పొందాలి అన్ని లైటింగ్ మరియు ఎలక్ట్రికల్ ఏర్పాట్లు షార్ట్ సర్క్యూట్‌లను నివారించేలా తగు జాగ్రత్తలు తీసుకొని ఏర్పాటు చేయాలి. ఇతర మతాల ప్రజలకు లేదా వారి పూజాస్థలాలకు ఎటువంటి ఇబ్బంది కలగకూడదు. ఎలాంటి గొడవలు జరుగకుండా శాంతి కమిటీలు ఏర్పాటు చేయాలి. ఎవరైనా బలవంతంగా విరాళాలు సేకరిస్తే, కేసు నమోదు చేసి, కఠిన చర్యలు తీసుకుంటారు. ఊరేగింపు మరియు నిమజ్జనం కార్యక్రమాల సమయంలో మద్యం సేవించడం మరియు ప్రజా శాంతి భగ్నం చేసే విధంగా ఎటువంటి చర్యలు చేపట్టకూడ దన్నారు. అలా పట్టు బడిన వారికి కఠిన చర్యలుతీసుకుంటా మన్నారు.ఊరేగింపు తేదీని ముందుగానే పోలీసులకు తెలియజేయాలి. ఊరేగింపులో ఉపయోగించే వాహనాలు మరియు డ్రైవర్లు యొక్క వివరాలు, వారి ఆధార్ కార్డు ప్రతులతో కలిసి పోలీసులకు సమర్పించాలి.గ్రామాలలో వివిధ మార్గాల్లో మండపాల ఏర్పాటు గురించి పోలీసులకు సమాచారం అందించడం తప్పనిసరి, మరియు పై నిబంధనలను పాటించాలి. ఈ విషయాన్ని పబ్లిక్ నోటరీ ద్వారా ధృవీకరించిన ప్రకటనను సంబంధిత పోలీస్ స్టేషన్‌కు సమర్పించాలి.ప్రజలు వినాయక చవితి పండుగను భక్తి శ్రద్ధలతో మరియు శాంతియుతంగా జరుపుకోవాలని, ఎటువంటి అవాంఛనీయ సంఘటనలు జరగకుండా చూసుకోవాలని, అలానే సాంస్కృతిక కార్యక్రమాల ముసుగులో అసభ్యకరమైన లేదా అనైతిక ప్రదర్శనలు ఆడవారి డాన్సులు నిర్వహించరాదని తెలియజేస్తూ..ముందస్తు వినాయక చవితి శుభాకాంక్షలు తెలిపారు.
JALAIAH
