క్రీడాకారుల నిధులు రోజా రూ. 119 కోట్లు దోచేశారు..

మనన్యూస్,తిరుపతి:వైసీపీ ప్రభుత్వంలో క్రీడల శాఖ మంత్రిగా ఉన్న ఆర్కే రోజా పేద క్రీడాకారులకు రూ. 119 కోట్లను దోచేశారని రాష్ట్ర క్రీడా ప్రాధికార సంస్థ చైర్మన్ అనిమిని రవి నాయుడు ఆరోపించారు. శనివారం తిరుపతి ప్రెస్ క్లబ్ లో ఏర్పాటు చేసిన విలేకర్ల సమావేశంలో రవి నాయుడు మాట్లాడారు.మాజీ మంత్రి రోజాను అరెస్టు చేయటానికి దమ్ము అవసరం లేదని, పోలీస్ వారెంట్ ఉంటే చాలు అని గుర్తు చేశారు. వైసిపి ప్రభుత్వ హయాంలో మంత్రిగా ఉన్న రోజా క్రీడాకారులకు చెందిన వందలాది కోట్ల రూపాయలు అవినీతికి పాల్పడిందని దానిపై ఇప్పటికే రాష్ట్ర ప్రభుత్వం విచారణకు ఆదేశించిందన్నారు. త్వరలో రోజా శ్రీకృష్ణ జన్మస్థానానికి వెళ్లడం ఖాయమని జోష్యం చెప్పారు. రోజా క్రీడాకారుల డబ్బులతోనే బంగారు నగలు, నక్లెసులు, కార్లు, భూములు కొనుగోలు చేశారని ఆరోపించారు. రోజా నోటితో వల్లే 2024 లో జరిగిన అసెంబ్లీ ఎన్నికలలో వైసిపి కేవలం 11 సీట్లకే పరిమితమైందన్నారు. ముఖ్యమంత్రి చంద్రబాబు నాయుడు ను ఏక వచనంతో మాట్లాడితే చూస్తూ ఊరుకునేది లేదని స్పష్టం చేశారు. మాజీ మంత్రి రోజా చెన్నైలో మకాం వేసిందని, ఆమెకు చంద్రబాబు నాయకత్వంలో ఏపీలో జరిగే అభివృద్ధి సంక్షేమం గురించి ఏమి తెలుసునని ప్రశ్నించారు. వైఎస్సార్సీపీ అధినేత జగన్మోహన్ రెడ్డి వీకెండ్ పొలిటిషన్ గా మారిపోయారని, కర్ణాటకలో బిజినెస్ లు చూసుకుంటున్న జగన్ అక్కడే ఉండిపోవాలని సూచించారు. తిరుపతిలో ఉన్న వైసీపీ నాయకులు పగటివేషగాళ్లు లాగా తయారయ్యారని, భూమన కుటుంబాన్ని ప్రజలు చీదరించుకున్న ఇంకా ప్రజలను మభ్య పెట్టాలనుకోవడం సిగ్గుచేటు అన్నారు. రాష్ట్రంలో విద్యుత్ చార్జీలను పెంచలేదన్న విషయం భూమన అభినయ రెడ్డికి తెలియకపోవడం విడ్డూరంగా ఉందన్నారు. విద్యుత్ భూమన అభినయ రెడ్డి బహిరంగ చర్చకు సిద్ధమా అని సవాల్ విసిరారు. భూమన అభినయ రెడ్డి రాజకీయ పరిజ్ఞానం లేకుండా మాట్లాడటం ఎంతవరకు సమంజసమని ప్రశ్నించారు. తిరుపతి నియోజకవర్గంలో భూమన భూభాగోతం అందరికీ తెలిసిందేనన్నారు. టిడిఆర్ బండ్ల కుంభకోణంలో అసలు పాత్రధారి భూమన అధినాయక్ రెడ్డి అని, త్వరలో ఆ కుటుంబం జైలుకు పోవడం ఖాయమన్నారు. తిరుమల తిరుపతి దేవస్థానం నిధులతో శ్రీనివాస స్పోర్ట్స్ కాంప్లెక్స్ ను అభివృద్ధి చేస్తే తప్పేంటి అని వైసీపీ నేతలను ప్రశ్నించారు. కూటమి ప్రభుత్వంపై లేనిపోని ఆరోపణలు చేస్తే భవిష్యత్తులో తీవ్ర పరిణామాలు ఎదుర్కోవాల్సి ఉంటుందని వైసీపీ నేతలకు రవి నాయుడు తీవ్రంగా హెచ్చరించారు. ఈ విలేకరుల సమావేశంలో టిడిపి తిరుపతి నగర ప్రధాన కార్యదర్శి నైనార్ మహేష్ యాదవ్, తెలుగు యువత తిరుపతి పార్లమెంట్ అధ్యక్షులు కృష్ణా యాదవ్, యువత నాయకులు హేమంత్ రాయల్, సందీప్ పాల్గొన్నారు.