Mana News :- మెగా బ్రదర్ నాగబాబు ఎమ్మెల్సీ అభ్యర్దిగా నామినేషన్ దాఖలు చేసారు. కూమటి నుంచి అయిదు ఎమ్మెల్సీ స్థానాలు భర్తీ చేయాల్సి ఉంది. రేపు (సోమవారం) నామినేషన్లకు చివరి రోజు.జనసేన నుంచి నాగబాబు నామినేషన్ దాఖలు చేయటంతో..మిగిలిన నలుగురు టీడీపీ నుంచి నామినేషన్లు వేయనున్నారు. వారి పేర్లను ఈ రోజు ఫైనల్ చేసే అవకాశం ఉంది. కాగా, నాగబాబు తన ఎన్నికల అఫిడవిట్ తో తన ఆస్తులతో పాటుగా అప్పుల లెక్కలను వెల్లడించారు. అన్నయ్య చిరంజీవి, తమ్ముడుకు పవన్ కు చెల్లించాల్సిన అప్పుల గురించి వివరించారు. నాగబాబు ఆస్తులు :-జనసేన నుంచి నాగబాబు కూటమి ఎమ్మెల్సీ అభ్యర్దిగా నామినేషన్ దాఖలు చేసారు. ఎన్నికల అఫిడవిట్‌లో నాగబాబు తన ఆస్తులు, అప్పుల వివరాలను పొందుపర్చారు. నాగబాబు తన ఆస్తుల విలువ70 కోట్లుగా వెల్లడించారు. నాగబాబుపైన ఎలాంటి కేసులు లేవు. కాగా, తనకు ఉన్న అప్పుల లెక్కలను వెల్లడిస్తూ అన్నయ్య చిరంజీవి.. తమ్ముడు పవన్ దగ్గర తీసుకున్న అప్పుల గురించి వివరించారు. నాగబాబు చరాస్తుల విలువ 59 కోట్లుగా పేర్కొన్నారు. బాండ్లు, మ్యూచువల్ ఫండ్స్, నగదు కలిపి 59 కోట్ల రూపాయల ఆస్తులు ఉన్నట్లు పేర్కొన్నారు. మ్యూచువల్ ఫండ్స్ .. బాండ్ల రూపంలో రూ.55.37 కోట్లు ఉండగా, చేతిలో నగదు - రూ.21.81 లక్షలు ఉంది.ఇవీ లెక్కలు :- ఇక, బ్యాంకులో తన ఖాతాల్లో రూ 23.53 లక్షలు ఉన్నట్లు నాగబాబు వెల్లడించారు. ఇతరుల నుంచి తాను రూ 1.03 కోట్లు అప్పులు తీసుకున్నట్లు పేర్కొన్నారు. తనకు ఉన్న బెంజ్ కారు విలు వ రూ 67.28 లక్షలుగా వెల్లడించారు. హ్యుండాయ్ కారు - రూ.11.04 లక్షలు, కాగా ఇక.. బంగారం -వెండి విలువ రూ.57.99గా వివరించారు.724 గ్రాముల బంగారం, తన సతీమణి వద్ద 55 క్యారట్ల వజ్రాలు (రూ.16.50 లక్షలు), 20 కేజీల వెండి (రూ.21.40 లక్షలు) ఉన్నాయి. అదే విధంగా.. హైదరాబాద్ పరిసరాల్లో 11 కోట్ల విలువైన స్థిరాస్తులు ఉన్నట్లు వెల్లడించారు. చిరంజీవి- పవన్ నుంచి అప్పు :- హైదరాబాద్, మెదక్, రంగారెడ్డి జిల్లాల్లో భూములు ఉన్నట్లు అఫిడవిట్ లో పొందుపర్చారు. రంగా రెడ్డి జిల్లాలో 2.39 ఎకరాల భూమి విలువ రూ.5.3 కోట్లు, మెదక్ జిల్లా నర్సాపూర్‌లో 8.28 ఎకరా ల భూమి రూ.82.80 లక్షలు, రంగారెడ్డి జిల్లా టేకులాపల్లిలో 1.07 ఎకరాల భూమి ఉండగా.. దాని విలువ రూ.53.50 లక్షలుగా పేర్కొన్నారు. హైదరాబాద్ మణికొండలో విల్లా - రూ.2.88 కోట్లు గా వివరించారు. కాగా.. మొత్తం స్థిరాస్తుల విలువ రూ.11.20 కోట్లు. ఇక.. తన సోదరులు చిరంజీవి దగ్గర రూ.28.48 లక్షలు అప్పు తీసుకోగా.. పవన్ కల్యాణ్ దగ్గర రూ.6.90 లక్షలు అప్పు తీసుకు న్నట్లు నాగబాబు వెల్లడించారు. ఇక, బ్యాంకుల్లో ఇంటి రుణం కింద రూ 56.97 లక్షలు, కారు కోసం తీసుకున్న రుణం రూ 7.54 లక్షలు ఉన్నట్లు వివరించారు.