బంగారుపాళ్యం ఫిబ్రవరి 18 మన న్యూస్

చిత్తూరు జిల్లా బంగారుపాళ్యం మండలానికి జిల్లా కలెక్టర్ సుమిత్ కుమార్ ఆదేశాల మేరకు, ప్రతి మండలానికి ఒక స్పెషల్ ఆఫీసర్ ను నియమించడం జరిగిందని,అందులో భాగంగా బంగారుపాళ్యం మండలానికి జిల్లా వైద్యాధికారిగా ఉన్న తనను, మండలంలోని అన్ని ప్రభుత్వ శాఖలకు సంబంధించిన వాటిపై ఆరా తీసి వాటి బాగోగుల పట్ల నివేదిక కలెక్టర్ కు ఇవ్వనున్నట్లు ఆమె పేర్కొన్నారు.మంగళవారం నిర్వహించిన కార్యక్రమంలో,బంగారుపాలెం ఎంపీపీ స్కూల్ నందు మంగళవారం మధ్యాహ్నం తనిఖీ చేశారు. అక్కడ పిల్లలకు మధ్యాహ్న భోజన సౌకర్యం ఎలా కల్పిస్తున్నారని పిల్లలకు పెట్టే భోజనంలో, మెనూ ప్రకారం అందించాలని తేడా కనిపిస్తే వెంటనే స్కూల్ సిబ్బంది, వంట వారిపై తగు చర్యలు తీసుకోనున్నట్లు ఆమె తెలిపారు. రోల్,శానిటేషన్, డ్రింకింగ్ వాటర్, స్కూల్ పరిశుభ్రత, ఫుడ్ క్వాలిటీ, చిక్కీస్ ఎక్స్పైరీ కాకుండా చూసుకోవడం, పిల్లల ఫీడ్బ్యాక్ పై ఆరా తీశారు.తదుపరి బంగారుపాళ్యం హెచ్ డబ్ల్యు లో గల అంగన్వాడి కేంద్రాన్ని తనిఖీ చేసి, అక్కడ రికార్డులను పరిశీలించి చిన్నపిల్లల పట్ల కొంతసేపుముచ్చటించి,వారికిచాక్లెట్లను పంచిపెట్టారు.ప్రభుత్వ బీసీ వెల్ఫేర్ బాలికల హాస్టల్ ను మధ్యాహ్నం రెండు గంటలకు తనిఖీ చేసి ఆవరణలో మొక్కలు పెంచాలని, చెట్లను నాటాలని హాస్టల్ వార్డెన్ కే.పల్లవి కి సూచించారు. పిల్లలకు మెనూ ప్రకారం భోజనం అందిస్తున్నారా( లేదా )అని వార్డెన్ పల్లవిని అడిగి తెలుసుకున్నారు. మంచి భోజనం అందిస్తున్నట్టు విద్యార్థినిలు 54 మంది ఉన్నట్లు వార్డెన్ పల్లవి తెలియజేశారు. హాస్టల్ శిథిలావస్థలో ఉన్నట్లు, వెంటనే కొత్త భవనాన్ని నిర్మించాలని, జిల్లా వైద్యాధికారి సుధారాణికి తెలిపారు. నూతన భవనం ఏర్పాటు కోసం కలెక్టర్కు నివేదిక పంపిస్తామని ఆమె తెలియజేశారు.ఈరోజు నుండి మండలంలో మరిన్ని కార్యక్రమాల్లో పాల్గొన నున్నట్లు డిఎంహెచ్ఓ సుధారాణి తెలిపారు.కార్యక్రమంలో తుంబ కుప్పం పిహెచ్సి మెడికల్ ఆఫీసర్ లోహిత్ చెంగల్ రాయన్, ఎం పి హెచ్ ఈ ఓ రమేష్, ఎమ్మెల్ హెచ్ పి పునీత్, సూపర్వైజర్ హరికృష్ణ, ఆముద,హెల్త్ అసిస్టెంట్ ఎన్.శరత్ కుమార్, ఏఎన్ఎం గౌతమి, ఆశయ కృష్ణవేణి శాంతి మీనా, హాస్టల్ వార్డెన్ పల్లవి, అంగనవాడి హెల్పర్ తదితరులు పాల్గొన్నారు.