తిరుపతి అక్టోబర్ 26.

​తూర్పుమధ్య, పశ్చిమమధ్య బంగాళాఖాతంలో ఏర్పడిన 'అర్నబ్' తుపాను గడిచిన ఆరు గంటల్లో గంటకు 13 కిలోమీటర్ల వేగంతో ప్రయాణిస్తున్నట్లు ఆంధ్రప్రదేశ్ రాష్ట్ర విపత్తుల నిర్వహణ సంస్థ వెల్లడించింది. ప్రస్తుతం ఈ తుపాను విశాఖపట్నానికి 540 కి.మీ., కాకినాడకు 620 కి.మీ., మచిలీపట్నానికి 720 కి.మీ., బాపట్లకు 790 కి.మీ. దూరంలో కేంద్రీకృతమై ఉనట్లు తెలిపింది.
​తుపాను తీరానికి దగ్గరవుతున్న కొద్దీ దాని తీవ్రత పెరిగే అవకాశం ఉందని, దీని ప్రభావంతో రేపు, ఎల్లుండి రాష్ట్రంలోని కొన్ని ప్రాంతాల్లో అత్యంత భారీ వర్షాలు, బలమైన ఈదురుగాలులు వీస్తాయని అధికారులు హెచ్చరించారు. ఈ నేపథ్యంలో ప్రజలు అప్రమత్తంగా ఉండాలని, మంగళ, బుధవారాల్లో తమ ప్రయాణాలను వాయిదా వేసుకోవాలని విపత్తుల నిర్వహణ సంస్థ మేనేజింగ్ డైరెక్టర్ ప్రఖర్ జైన్ సూచించారు