• సీఎం నారా చంద్రబాబు నాయుడు ఆన్‌లైన్ శ్రీకారం… మరుసటి రోజే రంగంలోకి తుడా
• క్షేత్రస్థాయిలో కొబ్బరికాయ కొట్టి పనులు మొదలుపెట్టిన తుడా చైర్మన్ డా. డాలర్స్ దివాకర్ రెడ్డి , ఎమ్మెల్యే ఆరణి శ్రీనివాసులు , పార్లమెంట్ అధ్యక్షులు పనబాక లక్ష్మి

గ్రేటర్ తిరుపతి దిశగా శెట్టిపల్లి పరిసరాలు సరికొత్త రూపు సంతరించుకోబోతున్నాయి.

పెరుగుతున్న ట్రాఫిక్ రద్దీని అధిగమించడంతో పాటు, నగర విస్తరణకు వెన్నుదన్నుగా నిలిచేలా శెట్టిపల్లి పరిధిలో 100 అడుగులు రహదారి నిర్మాణ పనులు పట్టాలెక్కాయి.

నిన్ననే ముఖ్యమంత్రివర్యులు నారా చంద్రబాబు నాయుడు వర్చువల్ విధానం ద్వారా ఈ పనులకు పచ్చజెండా ఊపగా, ఆలస్యం చేయకుండా మరుసటి రోజే క్షేత్రస్థాయిలో భూమి పూజ పనులు చేశారు.

శెట్టిపల్లి వద్ద ఏర్పాటు చేసిన కార్యక్రమంలో తుడా ఛైర్మన్ డాక్టర్ డాలర్స్ దివాకర్ రెడ్డి , స్థానిక శాసనసభ్యులు ఆరణి శ్రీనివాసులు , తుడా వైస్ ఛైర్మన్ ఆర్. గోవిందరావు , తిరుపతి పార్లమెంట్ అధ్యక్షురాలు పనబాక లక్ష్మి సంయుక్తంగా భూమిపూజ నిర్వహించి పనులను ప్రారంభించారు.

తిరుపతిని ప్రపంచ స్థాయి మౌలిక వసతులతో తీర్చిదిద్దడమే సీఎం చంద్రబాబు సంకల్పం
అని తెలిపారు.

భక్తులకు, స్థానికులకు ట్రాఫిక్ చిక్కులు తప్పడమే కాకుండా రియల్ ఎస్టేట్, వాణిజ్య రంగాల్లో ఊహించని అభివృద్ధి కనిపిస్తుంది.

శంకుస్థాపనలతో కాలయాపన చేయకుండా, చెప్పిన సమయానికి రోడ్లను ప్రజలకు అంకితం చేసేలా నిరంతరం పర్యవేక్షిస్తాం" అని స్పష్టం చేశారు.

ఈ కార్యక్రమంలో యాదవ కార్పొరేషన్ అధ్యక్షుడు నరసింహ యాదవ్ ,తిరుపతి ఇంచార్జి జేబీ శ్రీనివాస్ , వివిధ కార్పొరేషన్ చైర్మన్లు,కూటమి ముఖ్య నేతలు, స్థానిక ప్రజాప్రతినిధులు, తుడా అధికారులు,శెట్టిపల్లి గ్రామస్తులు పాల్గొన్నారు.