— డీఈవో చేతుల మీదుగా ఘన సత్కారం.. రేణిగుంటకు దక్కిన అరుదైన గౌరవం...

— నా మిత్రునికి ఉత్తమ ఉపాధ్యాయుడు పురస్కారం రావడం ఎంతో ఆనందంగా ఉంది.. ఎం.ఏ. జబ్బార్ ట్రస్ట్ అధినేత డాక్టర్ షేక్ ఫరీద్ బాబా.

​రేణిగుంట, (న్యూస్):

అంతర్జాతీయ ఉపాధ్యాయ దినోత్సవాన్ని పురస్కరించుకుని ఆంధ్రప్రదేశ్ ఐక్య ఉపాధ్యాయ ఫెడరేషన్ ( యుటిఎఫ్ ) తిరుపతి జిల్లా శాఖ ఆధ్వర్యంలో నిర్వహించిన ఉత్తమ ఉపాధ్యాయుల ఎంపికలో రేణిగుంట మండలం, వెదుళ్లచెరువు ఎస్.టి. కాలనీ మోడల్ ప్రాథమిక పాఠశాల ఉపాధ్యాయులు కె. చంద్రశేఖర్ ఉత్తమ ఉపాధ్యాయ అవార్డుకు ఎంపికయ్యారు. ఈ సందర్భంగా ఏర్పాటు చేసిన సభలో తిరుపతి జిల్లా విద్యాశాఖాధికారి ( డీఈవో ) కె.వి.ఎన్. కుమార్ చేతుల మీదుగా ఆయన ఈ ప్రతిష్టాత్మక అవార్డును మరియు ఘన సత్కారాన్ని అందుకున్నారు.

​ఈ సందర్భంగా ఎం.ఏ. జబ్బార్ ట్రస్ట్ అధినేత డాక్టర్ షేక్ ఫరీద్ బాబా మాట్లాడుతూ — "కె. చంద్రశేఖర్ నా చిన్ననాటి మిత్రుడు. చిన్నతనము నుండి ఆయన మృదు స్వభావి. ఉపాధ్యాయ వృత్తిని ఎంచుకున్న నాటి నుంచి విద్యార్థులకు తన జ్ఞానాన్ని పంచుతూ, క్రమశిక్షణతో కూడిన నాణ్యమైన విద్యను అందిస్తున్నారు. ఆయన వద్ద చదువుకున్న ఎంతో మంది విద్యార్థులు ఈరోజు డాక్టర్లుగా, ఇంజనీర్లుగా, ఉన్నత ప్రభుత్వ ఉద్యోగులుగా స్థిరపడటం ఆయన బోధనా నైపుణ్యానికి, అంకితభావానికి నిదర్శనం. అంతేకాకుండా, పాఠశాలలోని పేద విద్యార్థులకు తనవంతుగా నిరంతరం సహాయ సహకారాలు అందిస్తుంటారు. అలాంటి నా మిత్రునికి ఈ రోజు జిల్లా స్థాయిలో ఉత్తమ ఉపాధ్యాయ పురస్కారం లభించడం నాకు ఎంతో గర్వంగా, ఆనందంగా ఉంది. ఆయన సాధించిన ఈ విజయంతో రేణిగుంట కీర్తి ప్రతిష్టలు జిల్లా వ్యాప్తంగా మారుమోగుతున్నాయి" అని కొనియాడారు.

​పాఠశాలకు, రేణిగుంట ప్రాంతానికి అరుదైన గౌరవం తెచ్చిన ఉపాధ్యాయుడు కె. చంద్రశేఖర్‌ను రేణిగుంట మండల ప్రజలు, తోటి ఉపాధ్యాయులు, గ్రామస్థులు మరియు మిత్రులు అభినందించారు.