ఏర్పేడు అక్టోబర్మ 3. శ్రీకాళహస్తి శాసనసభ్యులు బొజ్జల వెంకట సుధీర్ రెడ్డి ఆదేశాల మేరకు, ఎర్పేడు మండల తెలుగుదేశం పార్టీ అధ్యక్షులు పేరం నాగరాజ నాయుడు సహకారంతో మండల పరిధిలోని ముసలిపేడు గ్రామంలో శుక్రవారం పారిశుద్ధ్య పనులను ఘనంగా చేపట్టారు.

​గ్రామంలో ఆరోగ్యకరమైన, పరిశుభ్రమైన వాతావరణాన్ని అందించాలనే లక్ష్యంతో బూత్ ఇంచార్జ్ వై. మనోహర్ నాయుడు మరియు పంచాయతీ సెక్రటరీ స్వయంగా ఈ పనులను పర్యవేక్షించారు. గ్రామంలోని వీధులు, మురుగు నీటి కాలువలను క్షుణ్ణంగా పరిశీలించిన నాయకులు మరియు అధికారులు, తక్షణమే వ్యర్థాల తొలగింపు చర్యలు చేపట్టారు.

​ఈ సందర్భంగా బూత్ ఇంచార్జ్ వై. మనోహర్ నాయుడు మరియు పంచాయతీ సెక్రటరీ మాట్లాడుతూ... గ్రామంలో ప్రజలకు ఎలాంటి అంటువ్యాధులు సోకకుండా ముందస్తు జాగ్రత్తల్లో భాగంగా ఈ పారిశుద్ధ్య కార్యక్రమాన్ని ప్రారంభించినట్లు తెలిపారు. రాబోయే రెండు రోజుల్లో గ్రామంలోని డ్రైనేజీలన్నింటినీ పూర్తిగా క్లీనింగ్ చేసి, మురుగు నీటి సమస్య లేకుండా చేస్తామని గ్రామస్తులకు హామీ ఇచ్చారు.

​శాసనసభ్యులు బొజ్జల వెంకట సుధీర్ రెడ్డి నాయకత్వంలో నియోజకవర్గంలోని ప్రతి గ్రామాన్ని స్వచ్ఛ గ్రామంగా తీర్చిదిద్దడమే తమ ముఖ్య ఉద్దేశమని వారు స్పష్టం చేశారు. గ్రామ సమస్యల పరిష్కారానికి నిరంతరం అందుబాటులో ఉంటామని తెలిపారు.

​ఈ కార్యక్రమంలో స్థానిక నాయకులు, కార్యకర్తలు, గ్రామస్తులు మరియు పారిశుద్ధ్య సిబ్బంది పాల్గొన్నారు.