• 8 జిల్లాల నుంచి 260 మంది సభ్యులు పాల్గొన్నారు....
• ఛాంపియన్ ట్రోఫీ అందజేసిన బిజెపి లీడర్ కె .ఎన్.ఆర్...

మన ధ్యాస ప్రతినిధి విశాఖ జిల్లా సెప్టెంబర్ 27: విశాఖ జిల్లా ఆంధ్ర యూనివర్సిటీ కిక్ బాక్సింగ్ హాలులో రాష్ట్రస్థాయి కిక్ బాక్సింగ్ పోటీలు నిర్వహించారు.కిక్ బాక్సింగ్ రాష్ట్ర అధ్యక్షులు ఆనంద్ బాలు ఆధ్వర్యంలో పోటీలు జరిగాయి.ఈ కార్యక్రమానికి ముఖ్యఅతిథిగా విచ్చేసిన కిక్ బాక్సింగ్ సంఘం రాష్ట్ర గౌరవ అధ్యక్షులు,బిజేపి రాష్ట్ర మీడియా పేనలిస్ట్ కరణంరెడ్డి నరసింగరావు పాల్గొన్నారు. ఈ సందర్భంగా కరణం రెడ్డి నరసింహారావు మాట్లాడుతూ కిక్ బాక్సింగ్ ద్వారా క్రీడాకారులకు ఆత్మ రక్షణతో పాటు,ఆత్మ విశ్వాసం కూడా పెరుగుతుందని అన్నారు.రాష్ట్ర వ్యాప్తంగా ఎనిమిది జిల్లాల నుండి 260 మంది క్రీడాకారులు పాల్గొన్నారని అన్నారు.ఓవరాల్ చాంపియన్ గా విశాఖ జిల్లా మొదటి స్థానం కైవసం చేసుకోగా,రెండు,మూడు స్థానాల్లో అనకాపల్లి,శ్రీకాకుళం జిల్లాలు నిలిచాయని చెప్పారు. క్రీడాకారులకు ట్రోఫీలను అందజేసి అభినందించారు.ఈ కార్యక్రమంలో ఒలింపిక్ అసోసియేషన్ జిల్లా అధ్యక్షులు సూర్యనారాయణ,కరాటే అసోసియేషన్ జాతీయ అధ్యక్షులు సతీష్ కుమార్,కిక్ బాక్సింగ్ సంఘం రాష్ట్ర ప్రధాన కార్యదర్శి నరేంద్ర ఆచారి,ట్రెజరర్ జోగారావు తదితరులు పాల్గొన్నారు.