​జీరో డ్రగ్స్.. మహిళలపై నేరాల విషయంలో జీరో టాలరెన్స్.. జీరో రోడ్ యాక్సిడెంట్స్..

గంజాయిపై ప్రత్యేక నిఘా – అక్రమ రవాణా, విక్రయాలపై కఠిన చర్యలు…

​ మహిళలు, బాలికల భద్రతకు జీరో టాలరెన్స్ విధానం…

​రోడ్డు ప్రమాదాల నివారణకు ప్రత్యేక కార్యాచరణ…

​ ప్రతి గ్రామంలో పోలీసుల పర్యటన – ప్రజలతో ప్రత్యక్ష మమేకం…

​ ప్రజల భాగస్వామ్యంతో డ్రగ్స్ రహిత, సురక్షిత సమాజ నిర్మాణం…

​ 24 గంటలు డయల్-112 ద్వారా పోలీసులకు సమాచారం…

​రేణిగుంట సెప్టెంబర్ 24:
రాష్ట్ర ప్రభుత్వ ఆదేశాల మేరకు తిరుపతి జిల్లా వ్యాప్తంగా ‘ఆపరేషన్ త్రిశూల్’ను పటిష్టంగా అమలు చేస్తున్నట్లు జిల్లా ఎస్పీ శ్రీ ఎల్. సుబ్బరాయుడు, ఐపీఎస్ తెలిపారు. మాదకద్రవ్యాల నిరోధం, మహిళలు-బాలికల భద్రత, రోడ్డు ప్రమాదాల నివారణే లక్ష్యంగా ప్రత్యేక కార్యాచరణ చేపట్టినట్లు వెల్లడించారు. సమాచారం ఇచ్చిన వారి వివరాలు గోప్యంగా ఉంచుతామని, నేరస్తులపై కఠిన చర్యలు తీసుకుంటామని హెచ్చరించారు.
​ఈ కార్యక్రమంలో భాగంగా కరకంబాడి తారక రామ నగర్‌లో నిర్వహించిన ప్రజా వేదికలో ఎస్పీ గారు పాల్గొని ప్రసంగించారు. ఈ సమావేశంలో తారక రామ నగర్‌లోని టిడిపి సీనియర్ నాయకుడు బుచ్చినాయుడుతో పాటు స్థానిక ప్రజలు విశేష సంఖ్యలో పాల్గొన్నారు. అనంతరం రేణిగుంట సబ్‌-డివిజన్ పరిధిలోని పునరావాస గ్రామంలో ఎస్పీ పర్యటించి ప్రజల సమస్యలను అడిగి తెలుసుకున్నారు.
​ఈ కార్యక్రమంలో రేణిగుంట డీఎస్పీ శ్రీనివాసరావు, రేణిగుంట అర్బన్ సీఐ జయచంద్ర, ఎస్ఐ శ్రీనివాసులు మరియు పోలీస్ సిబ్బంది పాల్గొన్నారు.
​డ్రగ్స్ రహిత, సురక్షిత సమాజ నిర్మాణంలో ప్రజలందరూ భాగస్వాములు కావాలని ఎస్పీ పిలుపునిచ్చారు. ఎలాంటి అత్యవసర పరిస్థితులు ఉన్నా, నేర సమాచారం ఉన్నా వెంటనే 24 గంటలు అందుబాటులో ఉండే డయల్-112 ను సంప్రదించాలని జిల్లా పోలీస్ శాఖ కోరింది.