​అంగరంగ వైభవంగా అమ్మవారి ఉత్సవాలు ఆధ్యాత్మిక శోభలో గురవరాజుపల్లి...
​అమ్మవారి దివ్య ఆశీస్సులతో ప్రజలంతా సంతోషంగా ఉండాలి...బీజేపీ నాయకుడు తేనెపల్లి రవి.
​ రెండు రోజుల పాటు కోలాహలంగా అమ్మవారి ఉత్సవాలు..
​
​రేణిగుంట ఆగష్టు 12.
రేణిగుంట మండలం, గురవరాజుపల్లి పంచాయతీ పరిధిలోని గ్రామంలో శ్రీ అంకాల పరమేశ్వరి దేవి జాతర మహోత్సవాలు రెండు రోజుల పాటు అత్యంత అంగరంగ వైభవంగా సాగాయి. ఆధ్యాత్మిక వాతావరణంలో సాగిన ఈ ఉత్సవాల్లో చివరి రోజైన బుధవారం నాటి కార్యక్రమానికి రేణిగుంట మండలం బీజేపీ మాజీ మండల అధ్యక్షుడు తేనెపల్లి రవి ముఖ్య అతిథిగా హాజరయ్యారు.
​ఆలయ వంశపారంపర్య ధర్మకర్త కొండపాకం మునికృష్ణ పర్యవేక్షణలో ఆయనకు ఆలయ మర్యాదలతో ఘన స్వాగతం లభించింది. ఈ సందర్భంగా తేనెపల్లి రవిని శాలువాతో సత్కరించి, అమ్మవారి ప్రత్యేక దర్శనం కల్పించిన అనంతరం తీర్థప్రసాదాలను అందజేశారు.
​ఈ కార్యక్రమంలో పాల్గొన్న తేనెపల్లి రవి మాట్లాడుతూ.. శ్రీ అంకాల పరమేశ్వరి అమ్మవారి దివ్య ఆశీస్సులు ప్రజలందరిపై సదా ఉండాలని, ప్రతి ఒక్కరూ ఆయురారోగ్యాలు, సంతోషాలతో వర్ధిల్లాలని ఆకాంక్షించారు. గ్రామంలో జాతర వాతావరణం భక్తిశ్రద్ధలతో మిళితమై అలరించడం అభినందనీయమన్నారు.
​ఈ వేడుకల్లో క్లస్టర్ ఇన్‌చార్జ్ నారాయణ, బూత్ కన్వీనర్ నిరంజన్, నాయకులు పుల్లంపల్లి వెంకట ముని, నారగంటి ముని కృష్ణ, లక్కీ గోపి, శాలివాహన ఆర్గనైజర్ భాస్కర్, పార్థు, ఉదయ్, నాగరాజు (టైగర్) తదితరులు పెద్ద సంఖ్యలో పాల్గొని అమ్మవారిని దర్శించుకున్నారు