​రేణిగుంట ఆగష్టు 6. తిరుపతి జిల్లాలో రెండు రోజుల పర్యటన నిమిత్తం గురువారం సాయంత్రం రేణిగుంట అంతర్జాతీయ విమానాశ్రయానికి చేరుకున్న జాతీయ షెడ్యూల్డ్ కులాల (ఎస్సీ) కమిషన్ చైర్మన్ కిషోర్ మక్వానాకు సాదర స్వాగతం లభించింది.
​ఈ సందర్భంగా రేణిగుంట మండల వైఎస్సార్సీపీ ఎస్సీ సెల్ అధ్యక్షులు కుర్రకాల్వ అంబేద్కర్ నాగరాజు కమిషన్ చైర్మన్‌ను కలసి డాక్టర్ బి.ఆర్. అంబేద్కర్ చిత్రపటాన్ని బహుకరించారు. అనంతరం షెడ్యూల్డ్ కులాల వారి యొక్క సమస్యలను ఆయన దృష్టికి తీసుకెళ్లగా, చైర్మన్ సానుకూలంగా స్పందించారు.
​విమానాశ్రయంలో ఈ స్వాగత సత్కారాల అనంతరం జాతీయ ఎస్సీ కమిషన్ చైర్మన్ రోడ్డు మార్గాన తిరుపతికి బయలుదేరి వెళ్లారు. రెండు రోజుల పర్యటనలో భాగంగా జిల్లాలో జరిగే పలు సమీక్షా సమావేశాలు, అధికారిక కార్యక్రమాలలో ఆయన పాల్గొననున్నారు.