రేణిగుంట (జూన్ 9):
రేణిగుంట మండల ఎంపీడీవో (మండల పరిషత్ అభివృద్ధి అధికారి) కె.వి. రవిచంద్రను స్థానిక జనసేన పార్టీ నాయకుడు మిధున్ శాలి మంగళవారం నాడు మర్యాదపూర్వకంగా కలిశారు. రేణిగుంటలోని ఎంపీడీవో కార్యాలయంలో ఈ భేటీ జరిగింది.
ఈ సందర్భంగా జనసేన నేత మిధున్ శాలి.. ఎంపీడీవో రవిచంద్రకు పుష్పగుచ్ఛం అందించి ప్రత్యేకంగా శుభాకాంక్షలు తెలియజేశారు. అనంతరం రేణిగుంట మండల పరిధిలోని పలు స్థానిక అంశాలు, మౌలిక సదుపాయాలు, ప్రజా సమస్యల పరిష్కారంపై వారు కాసేపు చర్చించినట్లు సమాచారం. మండల ప్రజలకు మెరుగైన సేవలందించడంలో, అభివృద్ధి కార్యక్రమాలను ముందుకు తీసుకెళ్లడంలో అధికారులకు తమ వంతు పూర్తి సహకారం ఉంటుందని ఈ సందర్భంగా జనసేన నాయకులు ఆకాంక్షించినట్లు తెలుస్తోంది.
ఈ మర్యాదపూర్వక కలయికలో మిధున్ శాలితో పాటు పలువురు స్థానిక జనసేన పార్టీ నాయకులు, కార్యకర్తలు కూడా పాల్గొన్నారు.