నాణ్యతలో రాజీపడే ప్రసక్తే లేదు

క్షేత్రస్థాయిలో పనులను పరిశీలించి, అధికారులకు తుడా చైర్మన్ డా|| డాలర్స్ దివాకర్ రెడ్డి దిశానిర్దేశం

• పవిత్ర పుణ్యక్షేత్రం తిరుపతి నగరానికే తలమానికంగా, అత్యంత ప్రతిష్టాత్మకంగా రూపుదిద్దుకుంటున్న ‘తుడా టవర్స్’ నిర్మాణ పనులను తుడా చైర్మన్, తిరుమల తిరుపతి దేవస్థానం ఎక్స్ అఫిషియో మెంబర్ తెదేపా తిరుపతి పార్లమెంట్ ప్రధాన కార్యదర్శి డా||డాలర్స్ దివాకర్ రెడ్డి స్వయంగా పరిశీలించారు.
• నిర్మాణ ప్రాంగణంలో కలియతిరుగుతూ ప్రతి దశను నిశితంగా గమనించిన ఆయన.. ఇంజనీరింగ్ అధికారులకు, కాంట్రాక్ట్ ఏజెన్సీ ప్రతినిధులకు పలు కీలక సూచనలు, సలహాలు జారీ చేశారు.
• భవన నిర్మాణంలో నాణ్యతా ప్రమాణాల విషయంలో ఎట్టి పరిస్థితుల్లోనూ రాజీపడే ప్రసక్తే లేదని తుడా చైర్మన్ తేల్చి చెప్పారు.
• అత్యున్నత సాంకేతికతను, ఆధునిక, మన్నికైన నిర్మాణ సామగ్రిని మాత్రమే ఉపయోగించాలని అధికారులకు స్పష్టం చేశారు. "ఈ టవర్స్ భవిష్యత్ తరాలకు తుడా పనితీరుకు సజీవ సాక్ష్యంగా నిలవాలి" అని ఆయన ఆకాంక్షించారు.
• నగర ప్రజలకు, వ్యాపార వర్గాలకు వీలైనంత త్వరగా ఈ టవర్స్ సేవలను అందుబాటులోకి తీసుకురావాలని,అందుకోసం పనుల వేగాన్ని రెట్టింపు చేయాలని ఆదేశించారు.
• నిర్దేశిత గడువులోగా ప్రాజెక్టును నూటికి నూరు శాతం పూర్తి చేయాలని, పనుల్లో ఎలాంటి జాప్యాన్ని లేకుండ త్వరిత గతిన పూర్తి చేయాలని తెలిపారు.
• భవిష్యత్ రద్దీని దృష్టిలో ఉంచుకుని విశాలమైన, పకడ్బందీ పార్కింగ్ వ్యవస్థను ఏర్పాటు చేయాలన్నారు.
• భవనం నలుమూలలా గాలి, వెలుతురు పుష్కలంగా వచ్చేలా నిర్మాణ ప్రణాళికను తూచా తప్పకుండా పాటించాలన్నారు.
• అత్యాధునిక అగ్నిమాపక భద్రతా వ్యవస్థను అత్యవసర మార్గాలను ఎలాంటి లోపాలకు తావులేకుండా నిర్మించాలన్నారు.
• నిర్మాణంలో పాలుపంచుకుంటున్న ప్రతి కార్మికుడి ప్రాణరక్షణ ముఖ్యమని,నిర్మాణ ప్రదేశంలో విధిగా రక్షణ చర్యలు,పాటించేలా చర్యలు తీసుకోవాలని అధికారులకు సూచించారు.
• ఈ విస్తృత స్థాయి పరిశీలన కార్యక్రమంలో తుడా సెక్రటరీ డా యన్ వి శ్రీకాంత్ బాబు, ఎస్ ఈ రవీంద్రయ్య, భూసేకరణ అధికారి సుజన, తుడా ప్లానింగ్,ఇంజనీరింగ్ అధికారులు మరియు నిర్మాణ సంస్థ ప్రతినిధులు పాల్గొన్నారు.