​ఏర్పేడు మే 24.
తిరుపతి జిల్లా ఏర్పేడు మండలంలోని మర్రిమంద సచివాలయం వేదికగా శ్రీ బాలాజీ మెగా ఉచిత మెడికల్ క్యాంప్‌ను ఆదివారం నిర్వహించారు. ఈ కార్యక్రమాన్ని ఎమ్మెల్యే బొజ్జల వెంకట సుధీర్ రెడ్డి మాతృమూర్తి బొజ్జల బృందమ్మ జ్యోతి ప్రజ్వలన చేసి ప్రారంభించారు.
​అనంతరం ఆమె మాట్లాడుతూ.. గ్రామీణ ప్రాంత ప్రజలకు మెరుగైన వైద్య సేవలు అందించడమే లక్ష్యంగా ఇటువంటి ఉచిత శిబిరాలు నిర్వహించడం అభినందనీయమన్నారు. ఈ సందర్భంగా పలువురు లబ్ధిదారులకు ఆరోగ్య కార్డులను పంపిణీ చేశారు. మండల టీడీపీ అధ్యక్షుడు పేరం నాగరాజ నాయుడు మాట్లాడుతూ, ఆరోగ్య కార్డులు అవసరమైన వారు తనను సంప్రదించాలని సూచించారు.
​శ్రీ బాలాజీ మెడికల్ కాలేజీ ఎగ్జిక్యూటివ్ డైరెక్టర్ డాక్టర్ గంట శరత్ కుమార్ రెడ్డి, క్యాంప్ కో-ఆర్డినేటర్ డాక్టర్ కృష్ణకాంత్ నేతృత్వంలో సుమారు 15 మందికి పైగా స్పెషలిస్ట్ వైద్యులు మరియు పీజీ డాక్టర్లు వారిలో:
​డాక్టర్ ప్రవీణ వర్మ (స్త్రీ ప్రసూతి వైద్యం)
​డాక్టర్ రమణ కిశోర్ (కంటి వైద్యం)
​డాక్టర్ మణికంఠ (దంత వైద్యం)
​డాక్టర్ నిఖిల్ (సర్జరీ)
​డాక్టర్ కార్తీక్ (జనరల్ మెడిసిన్)
​డాక్టర్ యతిరాజ్ (ఆర్థోపెడిక్) పాల్గొన్నారు.రోగులకు పరీక్షలు నిర్వహించి ఉచితంగా మందులను పంపిణీ చేశారు. గైనకాలజీ, ఆర్థోపెడిక్, డెంటల్, మరియు జనరల్ మెడిసిన్ విభాగాల్లో రోగులకు వైద్య సలహాలు అందించారు. ఈ కార్యక్రమంలో స్థానిక నేతలు, వైద్య బృందం మరియు గ్రామస్థులు అధిక సంఖ్యలో పాల్గొన్నారు.
​