చీకటి నుంచి వెలుగులోకి గాంధీ విగ్రహం – టిడిపి శ్రీకాళహస్తి మైనారిటీ అధ్యక్షుడు షేక్ అఫ్రోజ్….

​రేణిగుంట:
తిరుపతి జిల్లా రేణిగుంట బస్టాండ్ కూడలి వద్ద ఉన్న మహాత్మా గాంధీ విగ్రహం పట్ల టిడిపి శ్రీకాళహస్తి నియోజకవర్గ మైనారిటీ అధ్యక్షులు షేక్. అఫ్రోజ్ అభినందనీయమైన సామాజిక స్పృహను చాటుకున్నారు.
​రేణిగుంట బస్టాండ్ సమీపంలోని గాంధీ మండపములో విద్యుత్ దీపాలు లేకపోవడం వల్ల రాత్రి వేళల్లో జాతిపిత విగ్రహం చీకటిలో ఉండటం, అలాగే విగ్రహానికి ఉండాల్సిన కళ్ళజోడు లేకపోవడాన్ని అఫ్రోజ్ గమనించారు. ఈ పరిస్థితిని చూసి మనస్తాపానికి గురైన ఆయన, తక్షణమే స్పందించి తన సొంత చొరవతో విగ్రహ పునరుద్ధరణ పనులు చేపట్టారు.
​మండపమునకు నూతనంగా విద్యుత్ దీపాలను (లైట్లు) ఏర్పాటు చేయించి వెలుగులు నింపడమే కాకుండా, గాంధీజీ విగ్రహానికి కొత్త కళ్ళజోడును కూడా అమర్చారు.
​ఈ సందర్భంగా షేక్ అఫ్రోజ్ మాట్లాడుతూ: "గాంధీ విగ్రహం చీకటిలో ఉండటం, కళ్ళజోడు లేకపోవడం చూసి మనసు బాధపడింది. వెంటనే మండపానికి లైట్లు వేయించి, కళ్ళజోడును అమర్చడం జరిగింది. ఇప్పుడు ఆ మహనీయుని విగ్రహం వెలుగులతో, కళకళలాడుతూ కనిపిస్తుంటే నా మనసుకి ఎంతో తృప్తిగా, సంతోషంగా ఉంది" అని పేర్కొన్నారు.
​మహనీయుల విగ్రహాలను, స్మారక చిహ్నాలను గౌరవప్రదంగా కాపాడుకోవాల్సిన బాధ్యత ప్రతి పౌరుడిపై ఉందని ఆయన గుర్తు చేశారు. షేక్ అఫ్రోజ్ చేసిన ఈ సత్కార్యాన్ని స్థానికులు మరియు ప్రయాణికులు సాదరంగా అభినందిస్తున్నారు.