Mana Cinema :- తమిళ్ లో పెద్ద హిట్ అయిన ‘డా..డా’ సినిమా ఇప్పుడు తెలుగులో రిలీజ్ కానుంది. కవిన్, అపర్ణ దాస్ జంటగా డైరెక్ట‌ర్ గణేష్ కె బాబు దర్శకత్వంలో తెరకెక్కిన ‘డా..డా’ తెలుగులో ‘పా.. పా..’ టైటిల్‌తో రిలీజ్ చేస్తున్నారు. జెకె ఎంటర్టైన్మెంట్స్‌ బ్యానర్‌పై నిర్మాత నీరజ కోట ఈ సినిమాను విడుద‌ల చేయనున్నారు. డిసెంబ‌ర్ 13న‌ ఈ సినిమా తెలుగులో రిలీజ్ కానుంది. తమిళ్ లో త‌క్కువ బ‌డ్జెట్‌తో తెర‌కెక్కిన ఈ సినిమా ఆల్మోస్ట్ 30 కోట్లు వసూలు చేసి పెద్ద విజయం సాధించింది. తండ్రి కొడుకుల సెంటిమెంట్‌తో పాటు ప్రేమ ఎమోషన్, రొమాంటిక్ కామెడీతో ఈ సినిమా ప్రేక్షకులను మెప్పించింది. తాజాగా ఈ సినిమా తెలుగు ట్రైలర్ ను రాజాసాబ్ డైరెక్ట‌ర్ మారుతి రిలీజ్ చేసారు. ఈ సంద‌ర్భంగా డైరెక్ట‌ర్ మారుతి మాట్లాడుతూ.. తమిళ్ హిట్ సినిమా ‘డా..డా’ ఇప్పుడు తెలుగులో ‘పా.. పా..’గా రిలీజ్ అవ్వడం సంతోషంగా ఉంది. తెలుగులో కూడా ఈ సినిమా మంచి విజయం సాధిస్తుంది. ఈ స‌బ్జెక్ట్ తెలుగు ప్రేక్ష‌కుల‌కు బాగా క‌నెక్ట్ అవుతుంది అని అన్నారు.