మన న్యూస్,నిజాంసాగర్,( జుక్కల్ ) నిజాంసాగర్ ప్రాజెక్టు కు ఇన్​ఫ్లో కొనసాగుతోంది.ఎగువన గల సింగూరు ప్రాజెక్టు ఒక గేటు ఎత్తి నీటిని కిందకు విడుదల చేస్తుండడంతో వరద నీరు వచ్చి చేరుతోంది.నిజాంసాగర్​ జలాశయంలోకి ప్రస్తుతం 2334 క్యూసెక్కుల నీరు ఇన్​ఫ్లో వచ్చి చేరుతోంది. ప్రాజెక్టు పూర్తిస్థాయి నీటి మట్టం 1405 అడుగులు 17.802 టీఎంసీలు కాగా.. ప్రస్తుతం 1393.33 అడుగుల 5.863 టీఎంసీలు నీరు నిల్వ ఉంది. ఎల్లారెడ్డి డివిజన్ పరిధిలోని కళ్యాణి రిజర్వాయర్​లోకి 230 క్యూసెక్కుల ఇన్​ఫ్లో వచ్చి చేరుతోంది. ప్రాజెక్టు పూర్తిస్తాయి నీటిమట్టం 409.50 మీటర్లకు గాను 408.50 మీటర్ల మేర నీరు నిల్వ ఉంది. అలాగే సింగితం రిజర్వాయర్​లో 416.554 మీటర్లకు గాను 415.504 మీటర్ల మేర నీరు ఉంది. సింగూరు నుంచి కొనసాగుతున్న నీటి విడుదల
నిజాంసాగర్​ ప్రాజెక్టుకు ఎగువన గల సింగూరు ప్రాజెక్టు నుంచి నీటి విడుదల కొనసాగుతోంది. మంజీర పరీవాహక ప్రాంతంలోని సంగారెడ్డి జిల్లాలో ఉన్న ప్రాజెక్టుకు ఎగువ నుంచి ఇన్​ఫ్లో వస్తుండడంతో ఒక వరద గేటు ఎత్తి నీటిని దిగువకు విడుదల చేస్తున్నారు. కాగా.. ఈ ప్రాజెక్టులో గురువారం సాయంత్రానికి 523.600 మీటర్లకు 29.917 టీఎంసీలు గాను 522.110 మీటర్లు 22.145 టీఎంసీలనీరు నిల్వ ఉంది. ప్రాజెక్టులోకి ఎగువ నుంచి 2,941 క్యూసెక్కుల ఇన్​ఫ్లో వస్తుండడంతో 11 నంబర్ గేటు ద్వారా 10,719 క్యూసెక్కుల నీటిని నిజాంసాగర్ ప్రాజెక్టులోకి విడుదల చేస్తున్నారు.