ఉరవకొండ, మన న్యూస్: భారతీయ జనతా పార్టీ జిల్లా అధ్యక్షుల పిలుపు మేరకు, బెళుగుప్ప ఇంచార్జ్ మరియు జిల్లా మహిళా మోర్చా నాయకురాలు దగ్గుపాటి సౌభాగ్య శ్రీరామ్ ఆధ్వర్యంలో గురు పౌర్ణమి వేడుకలు ఘనంగా నిర్వహించారు. ఈ సందర్భంగా స్థానిక శ్రీ వీరబ్రహ్మేంద్రస్వామివారి మఠంలో మఠాధిపతి శ్రీ ఈశ్వరరెడ్డి స్వామివారిని సందర్శించి, శాలువ మరియు పూలమాలలతో సన్మానించారు. దగ్గుపాటి సౌభాగ్య మరియు శ్రీరాములు మాట్లాడుతూ, "గురువు దైవంతో సమానం" అని అభివర్ణించారు. ఈ కార్యక్రమంలో బెళుగుప్ప సుంకన్న, సంధిరెడ్డి నారాయణస్వామి, మనోహర్, మండల అధ్యక్షులు మధు వెంకటేశులు, మాజీ అధ్యక్షులు వన్నూరి స్వామి మరియు ఉమాపతి నాయక్ తదితరులు పాల్గొన్నారు. గురువుల పట్ల గౌరవం మరియు భక్తిని చాటుకునే ఈ కార్యక్రమం అన్ని వర్గాల ప్రజలను ఆకట్టుకుంది.