Mana News :- ఇంటర్ ఫలితాల్లో MPC లో 1000/993
గద్వాల జిల్లా మనన్యూస్ ప్రతినిధి ఏప్రిల్ 23
జోగులాంబ గద్వాల జిల్లా ఉండవెల్లి మండలానికి చెందిన బొంకూర్ గ్రామ యువతి మోల్లా ఆస్మా ఇంటర్మీడియట్ రెండో సంవత్సరం పరీక్షల్లో అత్యుత్తమ ప్రతిభ కనబరిచి, రాష్ట్ర స్థాయిలో ర్యాంక్‌కు అర్హత పొందే విధంగా మెరిసింది. MPC గ్రూప్‌లో చదువుతున్న ఆస్మా విద్యా పరంగా ప్రదర్శించిన మేధస్సుతో అందరి దృష్టిని ఆకర్షించింది. ఆమె తండ్రి మోల్లా సుల్తాన్ వలి గ్రామంలో ఆర్ఎంపీ డాక్టర్‌గా ప్రజలకు వైద్య సేవలందిస్తున్నారు. “ఆమె కష్టపడి చదివింది. ఫలితంగా మంచి గుర్తింపు వచ్చింది. మా కుటుంబానికే కాకుండా ఊరికి కూడా గర్వకారణంగా నిలిచింది,” అని తండ్రి అన్నారు. ఆస్మా కలల దారి: ఆస్మా ఇంజినీరింగ్‌లో ప్రవేశించి టెక్నాలజీ రంగంలో రాణించాలన్నదే తన ఆశయం. ప్రస్తుతం JEE, EAMCET వంటి ప్రవేశ పరీక్షలకు శ్రమిస్తూ, దేశానికి సేవ చేసే స్థాయికి చేరాలన్న సంకల్పంతో ముందుకు సాగుతోంది. ఆమె విజయం బొంకూర్ గ్రామం మొత్తానికీ స్ఫూర్తిదాయకంగా మారింది. గ్రామస్థులు, బంధువులు, మిత్రులు ఆమెను హర్షధ్వానాలతో అభినందిస్తున్నారు.